பன்னீர்செல்வம் இயக்கத்தில் விஜய் சேதுபதிக்கு வில்லன்பாபி சிம்ஹா!!

‘ரேனிகுண்டா’ படத்தின் இயக்குனர் பன்னீர்செல்வம் இயக்கும் புதிய படத்தில் ஹீரோவாக விஜய் சேதுபதியும், வில்லனாக பாபி சிம்ஹாவும் நடிக்கவுள்ளனர்.

பல வருடங்களாக கிடப்பில் கிடந்த விஜய் சேதுபதி நடித்த ‘மெல்லிசை’ படம் ‘புரியாத புதிர்’ என்ற பெயரில் ஜனவரியில் வெளியாகிறது. இந்தப் படத்தில் விஜய்சேதுபதியின் தோற்றம் இளமையாக இருக்கும். காரணம் படம் பல வருடங்களுக்கு முன் தொடங்கப்பட்டது. இதனால் விஜய் சேதுபதி சிறிது கவலையில் இருக்கிறார். எனவே கே.விஆனந்த் இயக்கத்தில் நடித்த ‘கவண்’ படத்தை முதலில் வெளியிட வேண்டும் என்பதில் உறுதியாக இருக்கிறாராம் விஜய்சேதுபதி.

இது ஒரு பக்கம் இருக்க, தற்போது, ‘வட சென்னை’, ‘ விக்ரம் வேதா’ போன்ற படங்களில் நடித்து வரும் விஜய்சேதுபதி அடுத்து ‘ரேனிகுண்டா’ படத்தை இயக்கிய பன்னீர் செல்வம் இயக்கத்தில் ஒரு படத்தில் நடித்து வருகிறார். இப்படத்தில் விஜய்சேதுபதிக்கு வித்தியாசமான கேரக்டராம். இந்தப்படத்தில் வில்லனாக பாபி சிம்ஹா நடிக்கிறார். விஜய்சேதுபதி கேரக்டருக்கு ஈடு கொடுக்கும் விதமாக பாபி சிம்ஹாவின் கதாபாத்திரத்தையும் வலுவாக அமைத்திருக்கிறாராம் இயக்குநர்.

‘இறைவி’ படத்திற்குப் பிறகு விஜய் சேதுபதியும், பாபி சிம்ஹாவும் மீண்டும் இந்தப்படத்தின் மூலம் இணைகிறார்கள். கதாநாயகனாக நடித்த ‘பாம்புசட்டை’ உட்பட சில படங்கள் பிசினஸ் ஆகாமல் கிடக்கின்றன. எனவேதான் முன்னணி ஹீரோக்களின் படங்களில் அவ்வப்போது வில்லனாக நடிக்கலாம் என்ற முடிவில் இறங்கியுள்ளார் பாபி சிம்ஹா.