டிசம்பர் 3-ல் 'போகன்' இசை வெளியீடு

சென்னை: 'ரோமியோ ஜுலியட்' பட இயக்குனர் லக்ஷ்மணன் இயக்கத்தில் உருவாகி வரும் 'போகன்' திரைப்படத்தின் இசை வெளியீடு வருகிற டிச.3ஆம் தேதி நடைபெறவுள்ளது.

'எங்கேயும் காதல்', 'ரோமியோ ஜூலியட்' ஆகிய படங்களைத் தொடர்ந்து மூன்றவது முறையாக ஜெயம் ரவி, ஹன்சிகா, ஜோடி சேர்ந்து நடித்துள்ள 'போகன்' படத்தின் இசை வெளியீட்டு விழா சத்யம் திரையரங்கில் நடைபெறவுள்ளது. இப்படத்தில் 'ரோஜா' நாயகன் அரவிந்த்சாமி முக்கிய கதாப்பாத்திரத்தில் நடித்துள்ளார்.

பிரபுதேவா ஸ்டூடியோஸ் தயாரிப்பில் உருவாகியுள்ள இப்படத்துக்கு டி.இம்மான் இசையமைத்துள்ளார். 'போகன்' டீசர், அனிருத் குரலில் 'டமாலு டுமீலு' பாடல்கள் சமூக வலைதளங்களில் டாப் டிரண்டிங்கில் உள்ளது.

ஹாலிவுட் நடிகர்களான நிகோலஸ் கேஜ் மற்றும் ஜான் ட்ரவோல்டா இருவரும் இணைந்து நடித்த 'பேஸ் ஆஃப்' என்ற ஆங்கில திரைப்படத்தின் அதிகாரபூர்வ ரீமேக்காகும். இப்படம் கிறிஸ்துமஸ் பண்டிகையை முன்னிட்டு டிச.23ஆம் தேதி திரைக்கு வரவிருக்கிறது.