'காலா' படத்தில் பாலிவுட் நடிகர் போலீஸாக நடிக்கிறார்!

ரஜினி நடித்து வரும் ‘காலா’ படத்தில், போலீஸாக பிரபல பாலிவுட் நடிகர் பங்கஜ் திரிபாதி நடிக்கிறார்.

பா.இரஞ்சித் இயக்கத்தில் ரஜினி நடித்து வரும் படம் ‘காலா’. இந்தப் படத்தில் ஹுமா குரேஷி, அஞ்சலி பட்டில், சாக்‌ஷி அகர்வால் என மூன்றுபேர் கதாநாயகிகளாக நடிக்கின்றனர். படத்திற்கு சந்தோஷ் நாராயணன் இசையமைக்கிறார். படத்திற்கு முரளி ஒளிப்பதிவு செய்கிறார். இந்தப் படத்தைத் தனுஷ் தயாரிக்கிறார்.

மும்பையில் வாழ்ந்த தாதாவைப் பற்றிய கதை இது என்பதால், தற்போது மும்பையில் படப்பிடிப்பு நடைபெற்று வருகிறது. இந்தப் படத்தில், பீகாரைச் சேர்ந்த பாலிவுட் நடிகர் பங்கஜ் திரிபாதி போலீஸாக நடிக்கிறார்.

இந்தப் படத்தில் நடிப்பது பற்றி பங்கஜ் கூறியதாவது: “ரஜினி சார் படத்தில் நானும் ஒரு பகுதியாக இருப்பது மிகப்பெரிய விஷயம். இந்த சினிமா உலகத்திலேயே அவரைத்தான் நான் முன்னுதாரணமாக எடுத்துக் கொள்வேன். எந்த விஷயத்தில் என்றால், சூப்பர் ஸ்டாராக இருந்தும் இவ்வளவு எளிமையாக இருக்கிறார். ஒரு நடிகனாக மேக்கப்போ, கெட்டப்போ போட்டுக் கொள்ளலாம். ஆனால், வாழ்க்கையில் உண்மையானவனாகவும், எளிமையானவனாகவும் இருக்க வேண்டும். இன்றைய தலைமுறை நடிகர்கள் ரஜினியிடம் இருந்து அதை கற்றுக்கொள்ள வேண்டும்” என்று தெரிவித்துள்ளார் பங்கஜ் திரிபாதி.