ஷில்பா ஷெட்டிக்கு விவாகரத்தா? பதற வைத்த இயக்குனர்!

பாலிவுட் நடிகை ஷில்பா ஷெட்டி அவரது கணவரை விவாகரத்து செய்வதாக இயக்குனர் அனுராக் பாசு புதிய சர்ச்சையை ஏற்படுத்தியுள்ளார்.

பாலிவுட்டின் முன்னணி நடிகைகளில் ஒருவராக இருப்பவர் நடிகை ஷில்பா ஷெட்டி. இவர் தமிழில் மிஸ்டர் ரோமியோ என்ற படத்தில் நடித்துள்ளார். மேலும், விஜய் நடிப்பில் வந்த குஷி படத்திலும் ஒரு சில காட்சிகளில் நடித்துள்ளார். தமிழைத் தொடர்ந்து தெலுங்கு, கன்னடம் ஆகிய மொழிகளிலும் பல படங்களில் நடித்துள்ளார். இந்த நிலையில், கடந்த 2009ம் ஆண்டு தொழிலதிபர் ராஜ் குந்த்ராவை திருமணம் செய்து கொண்டார். இவர்களுக்கு ஒரு ஆண் குழந்தை இருக்கிறது.

இந்த நிலையில், குடும்ப தகராறு மற்றும் கருத்து வேறுபாடு காரணமாக கணவர் ராஜ் குந்த்ராவை, ஷில்பா ஷெட்டி விவாகரத்து செய்ய இருப்பதாக தகவல் பரவி வருகிறது. இது குறித்து சினிமா பிரபலங்கள் பலரும் ஷில்பா ஷெட்டியை தொடர்ந்து தொடர்பு கொண்டு வருகின்றனர்.

இதையடுத்து, பால்வுட் படங்களின் இயக்குனர் அனுராக் பாசு, தான் இந்த வதந்தியை பரப்பியது தெரியவந்துள்ளது. டிவி ரியாலிட்டி ஷோ ஒன்றில், ஷில்பா ஷெட்டி மற்றும் அனுராக் பாசு இருவரும் நடுவர்களாக கலந்து கொண்டு வருகின்றனர். இந்த நிகழ்ச்சியின் போது, ஷில்பா ஷெட்டிக்கு தெரியாமல், அவரது செல்போனை எடுத்து, கணவருடன் சண்டை போட்டுவிட்டேன். அதனால், அவரை விவாகரத்து செய்கிறேன் என்று குறுந்தகவல் டைப் செய்து அதனி ஷில்பா ஷெட்டியின் அம்மாவிற்கு அனுப்பி வைத்துள்ளார்.

இதையடுத்து, இதில், அதிர்ச்சியடைந்த ஷில்பாவின் அம்மா, உடனடியாக ஷில்பாவிற்கு போன் செய்த பேசிய போது, இந்த குறுந்தகவல் வதந்தி என்று தெரியவந்துள்ளது. இது பாலிவுட் பிரபலங்கள் மத்தியில் பெரும் அதிர்ச்சியை ஏற்படுத்தியுள்ளது.