பிரபாஸை இயக்க விரும்பும் பிரபல பாலிவுட் இயக்குனர்!

பாலிவுட் இயக்குனர் ரோஹித் ஷெட்டி, நடிகர் பிரபாஸை வைத்து ஒரு படத்தை இயக்க விரும்புகிறாராம்.

‘பாகுபலி 2’ படம் மூலம் ஒட்டுமொத்த சினிமா ரசிகர்களின் ஆதரவைப் பெற்றவர் நடிகர் பிரபாஸ். ஐந்து வருடம் ஒரு படத்துக்காக உழைத்ததின் பலன் தற்போது அவருக்கு பாலிவுட் வரை நிறைய பட வாய்ப்புகள் கிடைக்கின்றன.

இந்நிலையில் ஷாருக்கானின் ‘சென்னை எக்ஸ்பிரஸ்’, ‘தில்வாலே’ போன்ற படங்களை இயக்கிய ரோஹித் ஷெட்டி ஒரு நிகழ்ச்சியில் கலந்து கொண்டிருக்கிறார். அவரிடம் வருங்காலத்தில் நீங்கள் சல்மான் கானுடன் ஒரு படம் செய்வீர்களா என்று கேள்வி கேட்டுள்ளனர். அதற்கு அவர் கண்டிப்பாக நடக்கும், அதோடு பிரபாஸுடனும் ஒரு படம் செய்ய விரும்புவதாக அவர் கூறியுள்ளார். தற்போது ரோஹித் ஷெட்டி ‘கோல்மால்’ என்ற படத்தை இயக்கி வருவது குறிப்பிடத்தக்கது.