சொத்தைப் பிரிக்கும் அமிதாப்: இத்தனை கோடியா?

1969-ல் பாலிவுட்டில் அறிமுகமானவர் நடிகர் அமிதாப் பச்சன். இவர் நடித்த முதல் படத்திலேயே சிறந்த புதுமுக நடிகருக்கான தேசியவிருது பெற்றவர். தன்னுடைய சிறந்த நடிப்பாலும் விடா முயற்சியாலும் இந்திய சினிமாவின் சூப்பர் ஸ்டார் பட்டம் பெற்றார். உலகம் முழுவதும் இவருக்கென்று கோடிக்கணக்கான ரசிகர்கள் உள்ளனர்.

இந்திய அரசாங்கம் இவருக்கு பத்மா விபூஷன், பத்ம பூஷன் மற்றும் பத்ம ஸ்ரீ பட்டம் வழங்கி கௌரவித்துள்ளது. சமீபத்தில் இவர் சொத்துகளை அவர்களது வாரிசிற்கு சரிசமமாக பிரித்துக் கொடுப்பதாக கூறியுள்ளார்.

"ஆனந்த்", "ஷோலே", "டான்", "அக்னீபத்", "ப்ளாக்", "பா", "பிகு" என்று பல வெற்றிப் படங்களில் நடித்துள்ளார் அமிதாப்பச்சன். இவர் தற்போது ஐந்து படங்களில் நடித்து வருகிறார். அமிதாப் பச்சன் தமிழ் நடிகர்களில் "ஷமிதாப்" படத்தில் நடிகர் தனுஷுடன் இணைந்து நடித்திருப்பார்.

இனிமேல் அத மட்டும் செய்யமாட்டேன்: மகளுக்காக ரூட்டை மாற்றிய அஜித்!

அவார்ட நினச்சு படம் எடுப்பதுமில்ல, கிடைக்கலேனா துடிச்சதும் இல்ல: தனுஷ்!

Magiciam Raman Sharma: அடப்பாவமே! விஜய்க்கு மேஜிக் கற்றுக்கொடுத்த மேஜிக்மேனுக்கே இந்த நிலையா?

தற்போது இவர் S.J. சூர்யாவுடன் ஒரு படத்தில் நடித்து வருகிறார். இவரது படங்களை ரீமேக் செய்துதான் தமிழ் சினிமாவில் பல வெற்றிப் படங்கள் தந்து வந்தார் சூப்பர் ஸ்டார் ரஜினிகாந்த். 76 வது வயதை எட்டியிருக்கும் அமிதாப் பச்சன், இந்த வயதிலும் தன் வயதுக்கு ஏற்ற கதாபாத்திரங்களை ஏற்று நடித்து இளம் நடிகர்களுக்கு சவாலாக திகழ்கிறார்.

இவர் 1973-ல் நடிகையும் அரசியல்வாதியுமான ஜெயா பாதுரியை திருமணம் செய்து கொண்டார். இவர்களுக்கு அபிஷேக் பச்சன் மற்றும் ஸ்வேதா பச்சன் என்று இரண்டு பிள்ளைகள் உள்ளனர். சினிமா, டிவி நிகழ்ச்சிகள் என்று பிசியாக இருக்கிறார் அமிதாப். அதற்காக அவர் பல கோடி சம்பளமாகவும் பெற்று வருகிறார்.

தற்போது ஒரு நிகழ்ச்சியில் பேசிய அமிதாப் பச்சன் அவருடைய சொத்துக்கள் அனைத்தும் தன்னுடைய மகன் மற்றும் மகள் இருவருக்கும் சரிசமமாக பிரித்து தரவுள்ளதாக கூறியிருக்கிறார். அமிதாப் பச்சனுக்கு சுமார் 400 மில்லியன் டாலர் அதாவது இந்திய ரூபாய் மதிப்பின் படி 2800 கோடிக்கு மேல் சொத்து உள்ளது என்று கூறப்படுகிறது.

இவரது சொத்து விவரம் இப்போது தான் முதல் முறையாக வெளியாகியுள்ளது. ஒரு முறை சொந்தப் படம் எடுத்து முழு கடனாளியாக மாறியவர் மீன்டும் தன் வயதுக்கேற்ற பாத்திரங்களில் சினிமாவில் நடித்து தற்போது மீண்டும் இத்தனை கோடிக்கு சொந்தக்காரராகியுள்ளார். இவருக்கு இத்தனை கோடி சொத்துக்களா என ரசிகர்கள் ஆச்சர்யப்பட்டு வருகின்றனர்.