Rajinikanth Boxing: மேரிகோமிடம் குத்துச்சண்டை பயிற்சி எடுத்த ரஜினிகாந்த்!

கார்த்திக் சுப்புராஜின் பேட்ட படத்தின் படப்பிடிப்பை முடித்த ரஜினிகாந்தை குத்துச்சண்டை வீராங்கனை மேரிகோம் சந்தித்து பேசியுள்ளார்.

தமிழ் சினிமாவில் சூப்பர்ஸ்டார் என்றழைக்கப்படும் ரஜினிகாந்த் ரொம்பவே பிஸியாக இருக்கிறார். ஒரு பக்கம் படப்பிடிப்பு, மறுபக்கம் அரசியல் பணிகள் என்று ரொம்பவே பிஸியாக இருக்கிறார். தற்போது இயக்குனர் கார்த்திக் சுப்புராஜ் இயக்கத்தில் உருவாகி வரும் பேட்ட படத்தின் படப்பிடிப்பை முடித்துவிட்டு ஓய்வில் இருக்கிறார்.



இந்த நிலையில், குழந்தைகளுக்காக லதா ரஜினிகாந்த் நடத்தும் நிகழ்ச்சிக்கு சிறப்பு விருந்தினராக வந்த மேரிகோம் ரஜினியை சந்தித்து பேசியுள்ளார். சென்னை போயஸ்கார்டன் இல்லத்தில் ரஜினிகாந்தை சந்தித்த மேரிகோம் அவருக்கு குத்துச்சண்டை பயிற்சி கொடுத்துள்ளார். இந்தப் பயிற்சிக்குப் பின் ரஜினிகாந்த் அவ்வாறு போஸ் கொடுத்துள்ளார் என்று கூறப்படுகிறது. இதற்கு முன்னதாக, டெல்லி இந்திரா காந்தி விளையாட்டு மைதானத்தில் விளையாட்டுத்துறை அமைச்சர் ராஜ்யவர்தன் சிங் ரத்தோர் உடன் குத்துச்சண்டையில் ஈடுபட்டார் என்பது குறிப்பிடத்தக்கது.