Vivegam: தல அஜித்தின் விவேகம் தயாரிப்பாளர் மீது மோசடி புகார்!

இயக்குநர் சிவா இயக்கத்தில் தல அஜித் நடிப்பில் கடந்த 2017 ஆம் ஆண்டு வெளியான படம் விவேகம். சத்யஜோதி பிலிம்ஸ் நிறுவனம் இப்படத்தை தயாரித்தது. இப்படத்தை வெளிநாடுகளில் திரையிடும் உரிமையை மலேசியாவைச் சேர்ந்த டி.எஸ்.ஆர் நிறுவனம் ரூ.4.25 கோடி கொடுத்து வாங்கியது. இதே நிலையில், இப்படத்தின் உரிமையை வேறு நிறுவனத்திற்கும் வழங்கியதாக புகார் எழுந்துள்ளது.

இந்த நிலையில், டிஎஸ்ஆர் நிறுவனத்தின் நிர்வாக இயக்குநர் கிளாட்டஸ் பிரெட்ரிக் ஹென்றி, 2017 ஆம் ஆண்டு அளித்த புகாரில் சென்னை காவல் ஆணையர் எந்த நடவடிக்கையும் எடுக்கவில்லை என்று கூறி சென்னை எழும்பூர் நீதிமன்றத்தில் புகார் ஒன்றை அளித்தார்.

இந்த மனுவை விசாரித்த எழும்பூர் நீதிமன்றம், மலேசிய நிறுவனம் அளித்த புகாரின் அடிப்படையில் சத்யஜோதி தியாகராஜன் மீது வழக்குப்பதிவு செய்து விசாராணை மேற்கொள்ள சென்னை மத்திய குற்றப்பிரிவுக்கு உத்தரவிட்டுள்ளது.