அதிரடி ஆக்ஷன் காட்சிகளில் நடிக்கும் த்ரிஷா

சென்னை: 'மோகினி' படத்தில் சமையல் மாஸ்டராக நடிக்கும் த்ரிஷா, படத்தில் அதிரடி ஆக்ஷன் காட்சிகளில் நடித்து வருகிறார்.

இயக்குனர் மாதேஷ் இயக்கத்தில் உருவாகி வரும் 'மோகினி' படத்தின் முதல் கட்ட படப்பிடிப்பு லண்டனில் கடந்த ஒரு மாதமாக நடைபெற்றது. கதாப்பாத்திரத்துடன் ஒன்றி நடிக்க லண்டனில் உள்ள சில பிரபல சமையல் எக்ஸ்பர்ட்களிடம் சிறப்புப் பயிற்சிகளை மேற்கொண்ட த்ரிஷா, மிகவும் கடினமான சண்டைக் காட்சிகளில் நடித்து படக்குழுவினரை ஆச்சர்யப்படுதியுள்ளார்.

இந்நிலையில், மோகினி படத்தின் ஒரு புகைப்படம் வெளியாகியுள்ளது. இந்த புகைப்படம் குறித்து இயக்குனர் மாதேஷ் கூறுகையில்,'லண்டனில் உள்ள ஒரு பேக்கரியில் படப்பிடிப்பு நடந்தபோது எடுக்கப்பட்ட புகைப்படம் இது. இப்படத்தில் நிறைய சண்டைக் காட்சிகள் இடம்பெற்றுள்ளன. இதனை பேக்கரியில் தான் படமாக்கினோம்' என கூறியுள்ளார்.

லண்டனில் முதற்கட்டமாக பெரும்பாலான முக்கிய காட்சிகளை முடித்துள்ளதாகவும், அடுத்ததாக படத்தின் முக்கியமான சண்டைக் காட்சியை படமாக்க படக்குழு பாங்காக் செல்லவிருப்பதாகவும் கூறியுள்ளார்.

அங்கு கயிற்றின் மீது த்ரிஷா சண்டையிடுவது போன்ற காட்சிகளை வடிவமைக்க சிறந்த ஸ்டன்ட் மாஸ்டர்கள் வரவழைக்கப்பட்டுள்ளதாகவும், அதற்காக த்ரிஷா கடுமையாக பயிற்சி மேற்கொண்டு வருவதாகவும் இயக்குனர் மாதேஷ் கூறியுள்ளார். சென்னையில் பயிற்சி எடுத்துக் கொண்ட பிறகு படக்குழு பாங்காக் செல்லவிருப்பதாக தகவல்கள் தெரிவிக்கின்றன.