’செக்க சிவந்த வானம்’- தொடரும் வசூல் வேட்டை ..!!

கடந்த வாரத்தில் 96, ராட்சசன் போன்ற புதிய படங்கள் வெளியான போதிலும், பாக்ஸ் ஆஃபிஸில் ’செக்க சிவந்த வானம்’ படத்தின் ஆதிக்கம் தொடர்ந்து வருகிறது.

அதன் படி, இப்படம் வெளியாகி இரண்டு வாரங்கள் முடிவடைந்த நிலையில், சென்னை மாநகரில் மட்டும் ரூ. 6 கோடி வசூல் செய்துள்ளதாக தெரிவிக்கப்பட்டுள்ளது.

மணிரத்னம் இயக்கத்தில், ஏ.ஆர். ரஹ்மான் இசையமைப்பில் உருவாகியுள்ள ‘செக்க சிவந்த வானம்’ திரைப்படம் கடந்த செப். 30ம் தேதி வெளியானது.

இப்படத்தில் சிம்பு, விஜய் சேதுபதி, அரவிந்த் சாமி, அருண் விஜய், பிரகாஷ் ராஜ், ஜோதிகா, ஐஸ்வர்யா ராஜேஷ், அதிதி ராவ் ஹைதேரி, ஜெயசுதா, டயானா உள்ளிட்ட ஒரு நட்சத்திரப் பட்டாளமே நடித்துள்ளது.

ரசிகர்களின் மிகப்பெரிய எதிர்பார்ப்புக்கு மத்தியில் வெளியான இந்தத் திரைப்படம், விமர்சகர்களிடமும் ரசிகர்களிடமும் நல்ல பாராட்டைப் பெற்று வருகிறது.

சமீபத்தில் வெளியான 96, ராட்சசன் போன்ற படங்கள் பாக்ஸ் ஆஃப்ஸில் நல்ல வசூலை பெற்று வரும் நிலையில், ‘செக்க சிவந்த வானம்’ திரைப்படத்தின் வசூலில் எந்த பாதிப்பையும் ஏற்படுத்தவில்லை.