‘காலா’ வழக்கை தள்ளுபடி செய்த உரிமையியல் நீதிமன்றம்!

ரஜினி நடிப்பில் உருவாகி வரும் ‘காலா’ படத்தின் வழக்கை சென்னை உரிமையியல் நீதிமன்றம் தள்ளுபடி செய்துள்ளது.

நடிகர் ரஜினியை வைத்து இயக்குனர் பா.ரஞ்சித் இயக்கியுள்ள படம் ‘காலா’. இந்த படத்தை நடிகர் தனுஷ் தயாரித்து வருகிறார். தற்போது இந்த படத்தின் படப்பிடிப்புகள் முடிவடைந்து படத்தை வெளியிடும் பணிகள் நடைபெற்று வருகின்றன.

இந்த நிலையில் ‘காலா’ திரைப்படம் ‘கரிகாலன்’ என்ற அடைமொழியுடன் தயாராகி வருவதாகவும், கரிகாலன் என்ற டைட்டிலும் கதையும் தன்னுடையது என்றும் ராஜசேகரன் என்பவர் சென்னை உரிமையியல் நீதிமன்றத்தில் மனுதாக்கல் வழக்கு தொடர்ந்திருந்தார். இந்த மனு விசாரணைக்கு வந்தபோது, ராஜசேகரன் மனுவிற்கு பதிலளித்த காலா’ குழுவினர் ‘காப்புரிமை சட்டத்தின் கீழ்தான் இந்த வழக்கை விசாரணை செய்ய முடியும் என்று கூறப்பட்டது. இதனை ஏற்றுக்கொண்ட நீதிமன்றம் ராஜசேகரனின் மனுவை தள்ளுபடி செய்ததோடு, சென்னை உயர்நீதிமன்றத்தில் முறையிட அறிவுறுத்தியது.