லோஸ்லியாவின் அப்பா மரணம்: எப்படித் தாங்குவாய் மகளேனு சேரன் உருக்கம்

இலங்கையை சேர்ந்த செய்தி வாசிப்பாளரான லோஸ்லியா பிக் பாஸ் 3 நிகழ்ச்சியில் கலந்து கொண்டு பிரபலமானார். அவர் பிக் பாஸ் வீட்டில் இருந்தபோது இயக்குநர் சேரனை அப்பா, அப்பா என்று அழைத்து பாசமாக இருந்தார்.

தன் அப்பா மரியநேசன் போன்றே சேரன் இருப்பதால் அவருடன் நெருக்கமானார் லோஸ்லியா. சேரனும் லோஸ்லியாவை தன் சொந்த மகள் போன்றே பார்த்தார். பிக் பாஸ் வீட்டிற்கு வந்த லோஸ்லியாவின் தந்தை அவர் கவினை காதலிப்பது தெரிந்து கோபம் அடைந்தார்.

காதல் விவகாரத்தால் கோபமான தந்தையை லோஸ்லியா சமாதானம் செய்ய முயற்சி செய்தார். பின்னர் லோஸ்லியா தன் தந்தையை கட்டிப்பிடித்துக் கொண்டு அழுதது ரசிகர்களை கண்கலங்க வைத்தது. மரியநேசன் இயக்குநர் சேரன் மீது மிகுந்த மரியாதை வைத்திருந்தார்.

இந்நிலையில் மரியநேசன் மரணம் அடைந்துள்ளார். அவரின் மரண செய்தி அறிந்த சேரன் ட்விட்டரில் கூறியிருப்பதாவது,

லாஸ்லியா.. தந்தையின் மேல் எத்தனை அன்பும், கனவும் வைத்திருந்தாய் என்பது நன்றாக தெரியும். இந்த செய்தி என்னையே உலுக்குகிறது. எப்படித் தாங்குவாய் மகளே. சொல்ல முடியாத துயரில் துடிக்கும் உனக்கும் குடும்பத்துக்கும் எப்படி ஆறுதல் சொல்வதென தெரியவில்லை. ஆழ்ந்த அனுதாபங்கள்.
@Losliyamaria96 என்று தெரிவித்துள்ளார்.

லோஸ்லியாவின் அப்பா இறந்த செய்தி அறிந்த கவிலியா ஆதரவாளர்கள் கூறியிருப்பதாவது,

இந்த செய்தி வதந்தியாக இருக்கக் கூடாதா?. தந்தையின் இழப்பை லோஸ்லியா எப்படித் தான் தாங்கப் போகிறாரோ. மகளின் வாழ்க்கை நல்லபடியாக இருக்கும் இந்த நேரத்தில் அவருடன் இருந்து சந்தோஷப்பட மரியநேசன் இல்லையே.
அப்பாவின் இழப்பை தாங்கிக் கொள்ள லோஸ்லியாவுக்கு கடவுள் தான் தெம்பை அளிக்க வேண்டும். லோஸ்லியா மற்றும் அவரின் குடும்பத்தாருக்கு எங்களின் ஆழ்ந்த இரங்கலை தெரிவித்துக் கொள்கிறோம். தைரியமாக இருங்கள் லோஸ்லியா. அதை தவிர வேறு வழியில்லை. அப்பா ஸ்தானத்தில் இருந்து இனி நீங்கள் தான் அந்த குடும்பத்தை பார்த்துக் கொள்ள வேண்டும் என்று தெரிவித்துள்ளனர்.

லோஸ்லியாவுக்கும், குடும்ப நண்பரின் மகனுக்கும் கல்யாணமா?