இனி லோஸ்லியா கூட பேசினால் நான் பேச மாட்டேன்: சேரனிடம் கோபித்த நிஜ மகள்

பிக் பாஸ் 3 வீட்டில் இருக்கும் லோஸ்லியா சேரனை தனது அப்பா போன்று பார்ப்பதாக கூறி வருகிறார். சேரன் பார்க்க தன் அப்பா போன்றே இருப்பதால் அப்படி ஒரு பாசமாம்.

இந்நிலையில் சேரனின் நிஜ மகள் பிக் பாஸ் வீட்டிற்கு வந்துள்ள ப்ரொமோ வீடியோ வெளியாகியுள்ளது. அந்த வீடியோவில் சேரனிடம் அவர் மகள் லோஸ்லியா பற்றி பேசி, அவரை எச்சரிக்கிறார்.


புள்ள புள்ளன்னா எல்லாரும் புள்ள ஆகிடுமா டாடி, நீங்க புள்ளன்னு சொல்லி விட்டுக் கொடுத்தப்ப அது இங்க உட்கார்ந்து சிரிச்சுக்கிட்டு இருந்தது. அதுக்கு அப்புறமும் வந்து சேரன் அப்பா என்றால் நீங்கள் தான் நம்பிக்கிட்டு இருக்கிறீங்க. அது தான் உங்க மைனஸ். அந்த 5 பேரில் இருவரை விட்டுடணும். அவளிடம் பேசினால் நான் பேச மாட்டேன் என்று சேரனிடம் அவரின் மகள் தெரிவித்துள்ளார்.

இந்த ப்ரொமோ வீடியோவை பார்த்தவர்களோ சேரன் மகளின் கோபம் நியாயமானது என்று தெரிவித்துள்ளனர். அவர்கள் மேலும் கூறியிருப்பதாவது,

இது தான் உண்மையான மகளின் கோபம். லோஸ்லியா மாதிரி ஒரு பெண் நம் அப்பாவை அசிங்கப்படுத்தினால் சும்மா இருப்போமா?. நிஜ மகளின் பேச்சை கேட்டு இனியாவது லோஸ்லியாவிடம் இருந்து தள்ளியே இருங்க சேரன்.

சேரன் மகள் சரியான நேரத்தில் தான் அவருக்கு அறிவுரை வழங்கியுள்ளார். லோஸ்லியாவின் போலியான பாசம் சேரனின் நிஜ மகளுக்கு புரிந்துவிட்டது. அதனால் தான் இனியும் தன் அப்பா ஏமாறக் கூடாது என்று கோபப்பட்டுள்ளார் என்றார்கள்.

சேரன் மகள் வந்துள்ள ப்ரொமோவை பார்த்துவிட்டு கவின்-லோஸ்லியாவை பார்வையாளர்கள் திட்டிக் கொண்டிருக்கிறார்கள். அதே சமயம் லோஸ்லியா ஆதரவாளர்களோ அவர் எந்த தவறும் செய்யவில்லை என்று கூறி வருகிறார்கள்.