மகள், தங்கையாக நடித்து வந்த அபிராமி தற்போது நாயகியாகிறார்!

இசையமைப்பாளர் சந்தோஷ் நாராயணன் குழுவில் சவுண்ட் இன்ஜினியராக பணியாற்றி வந்தவர் நடிகை அபிராமி. இவர் வில்லன் நடிகர் ஆர்.கே.சுந்தரின் மகளாவார். மேலும் இவர் சமீப காலமாக ஏராளமான படங்களில் மகள் மற்றும் தங்கை கேரக்டரில் நடித்த வந்தார். அபிராமி சினிமாவில் அறிமுகமான முதல் படம் ‘தீரன் அதிகாரம் ஒன்று’.

இந்தப் படத்தில் கார்த்தியின் தங்கையாக நடித்திருப்பார். அதையடுத்து ‘துப்பாக்கி முனை’, மற்றும் ‘ராட்சசன்’ படத்தில் பாலியல் பலாத்காரம் செய்யப்பட்டு கொல்லப்படும் சிறுமி கேரக்டரில் நடித்திருந்தார். மேலும் ஆனந்தி நடிப்பில் வெளியான ‘என் ஆளோட செருப்ப காணோம்’ படத்தில் அவரது தோழியாக அபிராமி நடித்திருந்தார்.

தற்போது, நடிகை அபிராமி, பாலாஜி சக்திவேல் இயக்கும் ‘யார் இவர்கள்’ படத்தில் அஜய்க்கு ஜோடியாக நடித்து வருகிறார். அடுத்து ஒரு படத்தில் ஹீரோயினாகிறார். அதையடுத்து சூர்யா நடிப்பில் வெளியான ‘நந்தா’ படத்தில் குழந்தை நட்சத்திரமாக அறிமுகமான வினோத் கிஷனுக்கு ஜோடியாக நடிக்கிறார் அபிராமி.