80ஸ் நடிகைகளுடன் நடனம்: சிரஞ்சீவி வெளியிட்ட வீடியோ வைரல்

80களில் முன்னணியில் இருந்த நடிகர்கள் அனைவரும் தற்போது வருடா வருடம் ரீயூனியன் நிகழ்ச்சி நடத்தி அதில் சந்தித்து வருகின்றனர்.

கடந்த பல வருடங்களாக நடந்து வரும் இந்த நிகழ்ச்சியில் சிரஞ்சீவி, பிரபு, சுஹாசினி, குஷ்பு, ராதா, மோகன்லால், லிஸ்ஸி பிரியதர்ஷன், பாக்யராஜ் , பூர்ணிமா, வெங்கடேஷ், சரத்குமார், ரம்யா கிருஷ்ணன், நதியா உள்ளிட்ட பலர் கலந்துகொள்கின்றனர்.

வருடம் தோறும் ஒருவருக்கு இந்த நிகழ்ச்சியை நடத்தும் பொறுப்பு வழங்கப்படும், அதை நடத்தும் பணியை அவர் தான் முழுமையாக மேற்கொள்வார்.

இந்நிலையில் சென்ற வருடம் 80ஸ் நடிகர்கள் ரீயூனியன் நிகழ்ச்சியில் எடுத்த வீடியோ ஒன்றை சிரஞ்சீவி வெளியிட்டுள்ளார். அது தற்போது வைரலாகி உள்ளது. 80ஸ் நடிகைகள் பலருடன் சேர்ந்து அவர் ரீயூனியன் நிகழ்ச்சியில் நடனம் ஆடியுள்ளார்.

சுஹாசினி, ராதா, குஷ்பு, ஜெயசுதா ஆகியோருடன் தெலுங்கு பாடல் ஒன்றிற்கு நடனம் ஆடியுள்ளார் சிரஞ்சீவி. அது ரசிகர்களை அதிகம் கவர்ந்து வருகிறது.


சிரஞ்சீவி சமீபத்தில் தான் ட்விட்டரில் இணைந்தார் என்பது குறிப்பிடத்தக்கது. தனது பழைய வீடியோக்கள் பலவற்றையும் அவர் தற்போது லாக்டவுன் நேரத்தில் பதிவிட்டு வருகிறார்.

சமீபத்தில் அவர் தனது வீட்டை சுத்தப்படுத்தும் வீடியோ ஒன்றையும் வெளியிட்டிருந்தார். #BETHEREALMAN என்ற சேலஞ்சில் பங்கேற்ற அவர், சூப்பர்ஸ்டார் ரஜினிகாந்திற்கு சவால் விட்டிருந்தார். ஆனால் தற்போது வரை ரஜினி அதை ஏற்றுக்கொள்ளவில்லை.