சிரஞ்சீவியின் 'கைதி எண் 150' டீசர் வெளியீடு

ஹைதராபாத்: தெலுங்கு திரையுலகில் மிகுந்த எதிர்ப்பார்ப்பை ஏற்படுத்தியுள்ள மெகாஸ்டார் சிரஞ்சீவியின் 'கைதி எண் 150' படத்தின் டீசர் வெளியாகியுள்ளது.

நீண்ட இடைவெளிக்குப் பிறகு சிரஞ்சீவி நடிப்பில் உருவாகி வரும் 'கைதி எண் 150' படத்தின் அசத்தலான டீசர் மெகாஸ்டார் ரசிகர்களுக்கு விருந்துப்படைக்கும் வகையில் அமைந்துள்ளது. இப்படத்தை 'சங்கராந்தி' பண்டிகையை முன்னிட்டு வெளியிடவிருப்பதாக டீசரில் குறிப்பிடப்பட்டுள்ளது.

இப்படத்தின் இசையை கிறிஸ்மஸ் பண்டிகையையொட்டி வருகிற டிசம்பர் 23ஆம் தேதியும், படத்தை ஜனவரி 11 அல்லது 12 ஆகிய தேதிகளில் வெளியடலாம் என எதிர்ப்பார்க்கப்படுகிறது. விவி விநாயக் இயக்கத்தில் உருவாகியுள்ள இப்படத்தை சிரஞ்சீவியின் மகனும், பிரபல தெலுங்கு நடிகருமான ராம் சரண் மற்றும் லைகா நிறுவனம் இணைந்து தயாரித்துள்ளது.

இதில் சிரஞ்சீவிக்கு ஜோடியாக காஜல் அகர்வால், ஸ்ரேயா சரண், ராய் லக்ஷ்மி, வில்லனாக தருண் அரோரா உள்ளிட்டோர் நடித்துள்ளனர். இப்படத்துக்கு தேவி ஸ்ரீ பிரசாத் இசையமைத்துள்ளார். இப்படம், தமிழில் ஏ.ஆர்.முருகதாஸ் இயக்கத்தில் இளையதளபதி விஜய் நடிப்பில் வெளியான சூப்பர்ஹிட் படமான 'கத்தி' திரைப்படத்தின் அதிகாரப்பூர்வ ரீமேக்காகும்.

The teaser of megastar Chiranjeevi's much-awated Khaidi No 150, featuring Kajal Aggarwal in the female lead, was released on the official YouTube channel of Konidela Production on Thursday.

விஜய் நடித்த 'கத்தி' டீசர்