டார்ஜிலிங் சென்ற சியான் 60 படக்குழுவினர்: இறுதிக்கட்ட படப்பிடிப்பு துவக்கம்!

கொரோனா இரண்டாம் அலையின் தாக்கம் படிப்டியாக குறைந்து வருவதை தொடர்ந்து பல மாதங்களாக ஒத்தி வைக்கபட்ட படப்பிடிப்புகள் தற்போது முழு வீச்சில் நடைபெற்று வருகிறது. அந்த வகையில் கார்த்திக் சுப்புராஜ் இயக்கத்தில் விக்ரம் நடிக்கும் திரைப்படத்தின் படப்பிடிப்பு படு வேகமாக நடந்து வருகிறது. இந்நிலையில் இந்தப்படத்தின் இறுதிக்கட்ட படப்பிடிப்பு தற்போது டார்ஜிலிங்கில் துங்கியுள்ளதாக தகவல்கள் வெளியாகி உள்ளன.

கார்த்திக் சுப்புராஜ் இயக்கத்தில் தனது 60 வது திரைப்படத்தில் நடித்து வருகிறார் விக்ரம். இந்த படத்தில் முதன்முறையாக தனது மகன் துருவ்வுடம் இணைந்து நடித்து வருகிறார் விக்ரம். இந்த படத்தை 7 ஸ்கிரீன் ஸ்டூடியோ நிறுவனம் சார்பில் லலித்குமார் தயாரிக்கின்றார். ஆக்ஷன் திரில்லர் கலந்த திரைப்படமாக சீயான் 60 உருவாகி வருகிறது.

இப்படத்தில் சிம்ரன், வாணி போஜன், பாபி சிம்ஹா ஆகியோர் முக்கிய கதாபாத்திரத்தில் நடிக்கின்றனர். சந்தோஷ் நாராயணன் இசையமைக்கும் இந்தப்படத்தின் படப்பிடிப்பு கொரோனா இரண்டால் அலையால் நிறுத்தப்பட்டது. இந்நிலையில் தற்போது கொரோனா தொற்று குறைந்து வருவதால், அண்மையில் 'சியான் 60' திரைப்படத்தின் படப்பிடிப்பு மீண்டும் துவங்கியது.

பஞ்சாயத்து முடிவுக்கு வந்தது: விரைவில் ஓடிடியில் வெளியாகும் கார்த்தி நரேனின் 'நரகாசூரன்'!
இந்நிலையில் படத்தின் இறுதிக்கட்ட படப்பிடிப்பு தற்போது டார்ஜிலிங்கில் துவங்கியுள்ளது. இதில் விக்ரம், துருவ் உள்ளிட்டோர் கலந்து கொள்ள உள்ளதாக தகவல்கள் வெளியாக உள்ளது. தொடர்ச்சியாக இருபது நாட்கள் படப்பிடிப்பை நடத்திவிட்டு, படக்குழுவினர் சென்னை திரும்ப உள்ளனராம். விக்ரமின் அடுத்த படமாக சியான் 60 யை வெளியிட படக்குழுவினர் திட்டமிட்டுள்ளனர்.

இதே போல் அஜய் ஞானமுத்து இயக்கத்தில் விக்ரம் நடித்துள்ள கோப்ரா திரைப்படமும் விரைவில் வெளியாக உள்ளது. தமிழ், தெலுங்கு, இந்தி ஆகிய மூன்று மொழிகளில் தயாராகி வரும் இந்த திரைப்படத்தில் பல கெட்டப்களில் மிரட்டலான நடிப்பை தந்துள்ளார் விக்ரம். இந்த படமும் ஆக்ஷன் திரில்லர் ஜானரில் உருவாகி வருவது குறிப்பிடத்தக்கது.