சூர்யாவுக்கு போட்டியாக களமிறங்க ரெடியாகும் சியான்: கடாரம் கொண்டான் ரிலீஸ் எப்போது?

சியான் விக்ரம் நடிப்பில் உருவாகியுள்ள கடாரம் கொண்டான் வரும் மே 31ம் தேதி திரைக்கு வர வாய்ப்பிருப்பதாக தகவல் வெளியாகியுள்ளது.

தூங்காவனம் புகழ் இயக்குனர் ராஜேஷ் செல்வா இயக்கத்தில், கமல் ஹாசனின் ராஜ்கமல் பிலிம்ஸ் நிறுவனம் தயாரிப்பில் சியான் விக்ரம் நடிப்பில் உருவாகியுள்ள படம் கடாரம் கொண்டான். இப்படத்தில் விக்ரம் உடன் இணைந்து அக்‌ஷரா ஹாசன் மற்றும் லெனா ஆகிய இருவரும் நடித்துள்ளனர். ஜிப்ரான் இப்படத்திற்கு இசையமைத்துள்ளார்.

இப்படத்தின் ஃபர்ஸ்ட் போஸ்டர் மற்றும் டீசர் வெளியாகி ரசிகர்களிடையே நல்ல வரவேற்பைப் பெற்றுள்ளது. இந்த நிலையில், படம் எப்போது வெளியாகும் என்று ரசிகர்கள் ஆவலுடன் காத்திருக்கும் நிலையில், வரும் மே 31ம் தேதி இப்படத்தை திரையிட திட்டமிட்டுள்ளதாக புதிய தகவல் ஒன்று வெளியாகியுள்ளது.

இப்படத்தைத் தொடர்ந்து கௌதம் மேனன் இயக்கத்தில் உருவாகியுள்ள துருவ நட்சத்திரம் படமும் வெளியாகும் என்று எதிர்பார்க்கப்படுகிறது.