HBD Beloved Yuvan: அன்னையின் ஆண்குரல் நீ.. பிரபலங்களின் வாழ்த்து மழையில் நனையும் யுவன்!

பிரபல இசையமைப்பாளரும் இசைஞானி இளையராஜாவின் இளைய மகனுமான யுவன் சங்கர் ராஜா இன்று தனது 42வது பிறந்த நாளை கொண்டாடி வருகிறார். இதனை முன்னிட்டு சினிமா பிரபலங்கள், ரசிகர்கள் என பலரும் யுவன் சங்கர் ராஜாவுக்கு பிறந்த நாள் வாழ்த்து தெரிவித்து வருகின்றனர். ட்விட்டரிலும் #HBDBelovedYUVAN என்ற ஹேஸ்டாக்கில் வாழ்த்து மழை பொழிந்து வருகின்றனர் ரசிகர்கள்.

அதே போல் திரையுலக பிரபலங்கள் பலரும் யுவனுக்கு வாழ்த்து மழை பொழிந்து வருகின்றனர். அந்த வகையில் என்ஜாய் எஞ்சாமி புகழ், தெருக்குரல் அறிவு பதிவிட்டுள்ள டிவிட்டில், அன்னையின் ஆண்குரல் நீ..! யுவன்.. இனிய பிறந்தநாள் நல்வாழ்த்துக்கள் அண்ணா என பதிவிட்டுள்ளார்.

அதே போல் இயக்குனர் வெங்கட் பிரபு தனது ட்விட்டர் பதிவில், பிறந்த நாள் வாழ்த்துகள் யுவன் சங்கர் ராஜா.. கடவுளின் ஆசிர்வாதம் கிடைக்கட்டும்... லவ் யூ.. கீப் ராக்கிங்.. அண்ட் ஹேப்பி மங்காத்தா டே டூ ஆல் தல ஃபேன்ஸ் என பதிவிட்டுள்ளார். நடிகர் அசோக் செல்வன் தனது ட்விட்டர் பதிவில், தலைவனுக்கு பிறந்தநாள் வாழ்த்துக்கள்.. யுவனிஸம் ஃபார் லைஃப்.. என பதிவிட்டுள்ளார்.

திரைக்கதை ஆசிரியர்களை உருவாக்க தவறி விட்டோம்: இயக்குனர் வசந்தபாலன் வருத்தம்!
அதேபோல் இயக்குனர் விக்னேஷ் சிவன் பகிர்ந்துள்ள ட்விட்டில் பிறந்தநாள் வாழ்த்துகள் ஞானி யுவன் சங்கர் ராஜா. உங்கள் இசையை போன்றே உங்களின் வாழ்க்கையும் அழகானதாய் இருக்க வேண்டும்.. ஆசீர்வாதங்களுடன் இருங்கள் என பதிவிட்டுள்ளார்.


மேலும், பாடலாசிரியர் அருண்பாரதி பகிர்ந்துள்ள ட்விட்டர் பதிவில், மெளனங்களைக் கூட இசையால் பேசிவிடும் அன்புயிர் இசை இளவல் யுவன் சங்கர் ராஜா அவர்களுக்கு இதயம் நிறைந்த இனிய தாலாட்டு நாள் வாழ்த்துகள் என குறிப்பிட்டுள்ளார்.


அதேபோல் 'மாநாடு' பட தயாரிப்பாளர் சுரேஷ் காமாட்சி தனது ட்விட்டர் பதிவில், திறமைகளின் பொக்கிசம். இசைஞானியின் ஆசியால் இசை இசைந்து கிடக்கிறது இவருக்குள். இன்னும் நிறைய ராகங்கள் புதிதாய் பிறக்க, இன்னும் அதிகமாய் உழைக்க, இசையுலகை ஆளுமை செய்ய இறை உதவட்டும். இந்த பிறந்த நாளில் செழித்துச் சிறக்க வாழ்த்துகள் இளைய இசையே என வாழ்த்தியுள்ளார். இதே போல் ரசிகர்கள் பலரும் இணையத்தில் யுவனுக்கு பிறந்தநாள் வாழ்த்து தெரிவித்து வருவது குறிப்பிடத்தக்கது.