வில்லனாக நடிக்கிறார் வடிவேலு!

நடிகர் வடிவேலு ஜி.வி. பிரகாஷ் படத்தில் வில்லனாக நடிக்கிறார்.

தமிழில் விஜய் சேதுபதிக்கு அடுத்து அதிக படங்களில் நடித்து வரும் இளம் நடிகர் ஜி.வி. பிரகாஷ். தற்போது இவர் நடித்து வெளிவரவிருக்கும் படங்கள் ‘புரூஸ்லீ’, ‘கடவுள் இருக்கான் குமாரு’.. இதையடுத்து ‘அடங்காதே’ படத்தில் சரத்குமாருடன் ஜி.வி. பிரகாஷ் நடித்து வருகிறார். இப்படத்தின் படப்பிடிப்பு தற்போது டெல்லியில் நடைபெற்று வருகிறது. இந்த படங்களை அடுத்து ஜி.வி.பிரகாஷ், இயக்குனர்கள் ராஜீவ் மேனன், சசி, பாண்டிராஜ், ராம்பாலா ஆகியோரின் படங்களில் நடிக்க ஒப்பந்தமாகியுள்ளார்.

இயக்குனர் ராம்பாலா இயக்கத்தில் ஜி.வி. நடிக்கும் படத்தில் வடிவேலு வில்லன் கேரக்டரில் நடிக்கவுள்ளதாக தெரிகிறது. இந்தப் படத்தில் வடிவேலு காமெடி கலந்த வில்லனாக நடிப்பதாக கூறப்படுகிறது.