Vivek: கவர்ச்சியில் குதித்த நடிகைக்கு உதவி கேட்ட விவேக்!

ராஜூ முருகன் இயக்கத்தில் 2016ஆம் ஆண்டு வெளியான ஜோக்கர் திரைப்படம் தமிழ் ரசிகர்களால் பெரிதும் கொண்டாடப்பட்டது. இப்படத்தில் குரு சோமசுந்தரம் மற்றும் ரம்யா பாண்டியன் இருவரும் கதாநாயகன், கதாநாயகியாக நடித்திருந்தனர்.

என்னதான் இவர்களது நடிப்பு எதார்த்தமாகவும், நேர்த்தியாகவும் அமைந்திருந்தாலும், தமிழ் சினிமாவில் நிலைத்து நிற்பதற்கு போராடிக்கொண்டிருக்கிறார்கள். ஜோக்கர் பட நாயகி ரம்யா பாண்டியன், தான் குடும்ப பாங்கான கதாபாத்திரத்தில் நடிப்பதால் தான் தனக்கு சரியான பட வாய்ப்புகள் கிடைக்கவில்லை என்ற விரக்தியில் தற்போது கவர்ச்சி புகைப்படங்களாக சமூக வலைத்தளங்களில் வெளியிட்டு பரபரப்பை ஏற்படுத்தி வருகிறார் என்று சொல்லப்படுகிறது.

கையில் ஆயிரம் ரூபாய்கூட இல்லை: கதறும் நடிகை!

நடிகை ரம்யா பாண்டியன் “மானே தேனே பொன்மானே” எனும் குறும்படம் மூலம் அறிமுகமானவர். டப்பாசு, ஆண் தேவதை, ஜோக்கர் போன்ற சில படங்களில் மட்டும் நடித்துள்ளார். தற்போது இவரைப் பற்றி நடிகர் விவேக் அவரது ட்விட்டர் பக்கத்தில் பதிவு செய்துள்ளார்.

இது வரையில் குடும்பப் பெண்ணாகவே நடித்து வந்த ரம்யா பாண்டியன் சரியான பட வாய்ப்புகளோ அல்லது சரியான படத்தை தேர்வு செய்யாத காரணத்தாலோ அவரால் தனது நடிப்பு திறனை வெளிக்காட்ட முடியவில்லை. ரம்யா பாண்டியன் தற்போது ஒரு பிரபலமான மாத இதழுக்கு கவர்ச்சியாக உடை அணிந்து போஸ் கொடுத்திருக்கிறார்.

ஜெயலலிதாவாக ரம்யா கிருஷ்ணன்: வெளியானது “குயின்” போஸ்டர்!

அது இப்போது சமூக வலைத்தளங்களில் வைரலாக பரவி வருகிறது. குடும்பப் பெண்ணாக நடித்து வந்த அவர் தற்போது கவர்ச்சியில் இறங்கியுள்ளார். இதைத்தான் தமிழ் ரசிகர்கள் ரசிக்கின்றனரா என்று கேள்வியும் எழுந்துள்ளது. இதற்கான விடை யாரிடம் உள்ளது ரசிகர்களிடமா அல்லது இயக்குனர்களிடமா? என்று யோசித்துக் கொண்டிருக்க பிரபல காமெடி நடிகர் விவேக் அவரது ட்விட்டர் பக்கத்தில், "பண்பும், அழகும், பதில்களில் பணிவும் கொண்ட ரம்யா பாண்டியன் தன் நடிப்பால் ஜோக்கர், ஆண் தேவதை படங்களில் மிளிர்ந்தார்.

இஸ்ரோவிற்கு வாழ்த்து தெரிவித்த கமல் ஹாசன்!

தமிழைத் தாய்மொழியாகக் கொண்டு அதை சரியாக உச்சரிக்கவும் செய்யும் இவரை தமிழ் சினிமா வரவேற்க வேண்டும் என்பது என் பணிவான வேண்டுகோள் என்று பதிவிட்டிருக்கிறார். இந்த செய்தி அட்லீ, முருகதாஸ், ஷங்கர் போன்ற பிரம்மாண்ட இயக்குனர்களுக்கு சென்றிருக்கும் என்று நம்புவோம்.