என் மகளை நான் ரொம்ப மிஸ் பண்ணுறேன்: கண்ணீர் விடும் தாடி பாலாஜி

காமெடி நடிகர் தாடி பாலாஜி இந்த நேரத்தில் என்னுடைய மகள் போஷிகாவை மிஸ் பண்ணுகிறேன் என்று கூறி கண்ணீர் விட்டு அழுதுள்ளார்.

காமெடி நடிகர் தாடி பாலாஜி குடும்பத்தில் பிரச்னைக்கு மேல் பிரச்னை ஏற்பட்டு வந்தது. பாலாஜியின் மனைவி நித்யா தன்னுடைய கணவர் சாதி பெயர் சொல்லி திட்டி கொடுமைப்படுத்துவதாக போலீஸில் புகார் அளித்திருந்தார். மேலும், என் மனைவிக்கும், மனோஜ்குமார் என்பவருக்கும் தொடர்பு இருப்பதாகவும், இதனால், மனோஜ்குமார் தன்னை திட்டி வருவதாகவும் தாடி பாலாஜி போலீசில் புகார் அளித்திருந்தார். இதையடுத்து, இருவரும் விவாகரத்து பெற்று தனித்தனியாக வாழ்ந்து வருகின்றனர்.

இந்த நிலையில், கடந்த வாரம் குழந்தைகள் பங்கேற்கும் கிங்ஸ் ஆஃப் காமெடி நிகழ்ச்சியில் கலந்து கொண்டார். அப்போது ஒவ்வொரு குழந்தையின் திறமையை பாராட்டி பேசிய அவர், இந்த குழந்தைகளை எல்லாம் பார்க்கும் பொழுது என்னுடைய மகள் போஷிகாவை நான் நிறைய மிஸ் பண்ணுகிறேன் என்று கூறி கண்ணீர் விட்டு அழுதுள்ளார்.