மம்முட்டி சாதனையை முறியடித்த மோகன்லால்!

கேரளாவில் வசூலில் ‘தி கிரேட் பாதர்’ படத்தின் சாதனையை, ‘வில்லன்’ படம் முறியடித்துளளது.

மலையாள சினிமாவைப் பொறுத்தவரை முதல்நாள் வசூலில் முதல் இடத்தை நீண்ட நாட்களாக தக்க வைத்திருந்தவர் நடிகர் மோகன்லால். ஆனால் இந்த வருடம் மலையாளத்தில் வெளியான மம்முட்டியின் ‘தி கிரேட் பாதர்’ படத்தின் முதல் நாள் வசூல் 4.31 கோடி என்கிற எல்லையை தொட்டு முதல் இடத்தைப் பிடித்திருந்தது.

இது மோகன்லாலின் ‘புலி முருகன்’ பட சாதனையை முறியடித்த வசூல் என்பதால், மோகன்லால் ரசிகர்கள் பலருக்கு இதில் வருத்தம் இருந்தது. கடந்த செப்டம்பரில் வெளியான மோகன்லாலின் ‘வெளிப்பாடிண்டே புஸ்தகம்‘ படம் அந்த சாதனையை முறியடிக்க தவறியது.

இந்தநிலையில் நேற்று முன் தினம் வெளியான ‘வில்லன்’ படம் 4.91 கோடி ரூபாய் வசூலித்து மம்முட்டியின் சாதனையை முறியடித்துள்ளது.