தனுஷ் பட இயக்குனருடன் இணையும் அஸ்வின்: விரைவில் அதிகாரப்பூர்வ அறிவிப்பு!

விஜய் டிவியில் ஒளிபரப்பான குக் வித் கோமாளி சீசன் 2 நிகழ்ச்சி பார்வையாளர்கள் மத்தியில் பெரும் வரவேற்பை பெற்றது. ஊரடங்கு காலத்தில் மக்கள் ரசித்து பார்த்த இந்த நிகழ்ச்சியின் முதல் சீசனை விட இரண்டாம் சீசன் மிகவும் வரவேற்பு பெற்றது. இரண்டாவது சீசனில் பங்குபெற்ற போட்டியாளர்கள் அனைவரும் பிரபலமானார்கள்

இரண்டாவது சீசனில் கனி முதல் பரிசை தட்டி சென்ற நிலையில், இரண்டாவது ரன்னர் அப்-ஆக அஸ்வின் தேர்வு செய்யப்பட்டார். குக் வித் கோமாளி சீசன் 2 நிகழ்ச்சியில் பங்கேற்பதற்கு முன்பு சிங்கிள் டிராக்குகள், குறும்படங்கள் நடித்து வந்த அஸ்வினுக்கு குக்வித் நிகழ்ச்சிக்கு பின்னர் மிகப்பெரிய ரசிகர் பட்டாளம் உருவானது.

குக் வித் கோமாளி நிகழ்ச்சிக்கு பின்னர் ட்ரைடன்ட் ஆர்ட்ஸ் தயாரிப்பில் உருவாகும் 'என்ன சொல்ல போகிறாய்' படத்தில் நடித்து வருகிறார் அஸ்வின். இந்தப்படத்தில் குக் வித் கோமாளி 2ல் பிரபலமடைந்த புகழ் முக்கிய கதாபாத்திரத்தில் நடிக்கிறார். தேஜூ அஸ்வினி மற்றும் அவந்திகா மிஸ்ரா , டெல்லி கணேஷ் மற்றும் சுப்பு பஞ்சு ஆகியோர் துணை வேடங்களில் நடித்து வருகின்றனர்.

எல்லா சீனுக்கும் ஒரே எக்ஸ்பிரஷன்: விஜய் ஆண்டனி நடிப்பை விமர்சித்த பிரபல இயக்குனர்!
இந்நிலையில் பிரபல இயக்குனரான பிரபு சாலமன் இயக்கத்தில் புதிய படம் ஒன்றில் நடிகர் அஸ்வின் ஒப்பந்தம் ஆகியுள்ளதாக செய்திகள் வெளியாகியுள்ளன. இதுகுறித்த அதிகாரப்பூர்வ அறிவிப்பு விரைவில் வரும் என எதிர்பார்க்கப்படுகிறது.

பிரபுசாலமன் இயக்கத்தில் கடைசியாக பெரும் பொருட் செலவில் விஷ்ணு விஷால், ராணா நடிப்பில் வெளியான காடன் படம் ரசிகர்களிடம் வரவேற்பை பெறவில்லை. அதனை தொடர்ந்து 'கும்கி 2' படத்தை அறிமுக நாயகர்களான மதி மற்றும் ரித்தா ராவ் ஆகியோரை வைத்து இயக்கி வருகிறார். இந்த படத்திற்கு பின்னர் அஸ்வின் நடிக்க உள்ள படம் குறித்த அறிவிப்புகள் வெளியாகும் என எதிர்பார்க்கப்படுகிறது.