Kamal Haasan: கமல் ஹாசன் பாணியில் வாழ்த்து சொன்ன ஹர்பஜன் சிங்!

கமல் ஹாசன் இன்று தனது 65 ஆவது பிறந்தநாளை கொண்டாடுகிறார். இதில், கமல் ஹாசனின் குடும்பத்தினர் சாருஹாசன், சுஹாசினி, ஸ்ருதி ஹாசன், அக்‌ஷரா ஹாசன் ஆகியோர் பலர் கலந்து கொண்டு அவருக்கு வாழ்த்து தெரிவித்துள்ளனர். இவர்களைத் தொடர்ந்து சினிமா பிரபலங்கள் பலரும் கமலுக்கு வாழ்த்து தெரிவித்துள்ளனர்.

குடும்பத்தோடு பிறந்தநாள் கொண்டாடிய கமல் ஹாசன்!

இந்த நிலையில், இந்திய கிரிக்கெட் அணியின் சுழற்பந்து வீச்சாளர் ஹர்பஜன் சிங் கமலுக்கு வாழ்த்து தெரிவித்து ட்விட்டரில் பதிவிட்டுள்ளார். கமலின் தோணியிலேயே அவருக்கு வாழ்த்து தெரிவித்து அசத்தியிருக்கிறார். இது குறித்து அவர் கூறியிருப்பதாவது:

முதலில் யோகி பாபு, இப்போ ஆர்.ஜே. பாலாஜி: நயன்தாரா கணக்கே புரியலையே

சினிமா என்னும் துறவை துரத்தி சிறகு செதுக்கிய பறவை உங்கள் அறுபத்து ஐந்து அகவை எமக்கு விஸ்வரூப உவகை. களிப்புற்றோம் காணீர்! காலம் இருக்கட்டும் உம் பெயர் சொல்லி! உங்களுக்கு உங்கள் தொனியில் பிறந்தநாள் வாழ்த்துகள் கூறுவதில் மகிழ்ச்சி என்று குறிப்பிட்டுள்ளார்.

அதென்ன பாபுஜி, அப்பான்னு சொல்ல முடியாதா?: கமலை வாழ்த்திய ஸ்ருதியை விளாசிய நெட்டிசன்ஸ்

குடும்பத்தோடு பரமக்குடிக்கு சென்ற கமல் ஹாசன் அங்கு தனது தந்தை சீனிவாசனின் நினைவு தினத்தை முன்னிட்டு அவரது திருவுருவ சிலையை திறந்து வைத்துள்ளார். மேலும், தனது மக்கள் நீதி மய்யம் கட்சியின் சார்பில் தொண்டர்கள், உறுப்பினர்கள் மத்தியில் உரையாற்றியுள்ளார். இதில், பிரபுவும் கலந்து கொண்டு, கமல் ஒருநாள் குடியரசுத் தலைவராக வருவார் என்று அவர் குறிப்பிட்டு கூறியுள்ளார்.