Sreesanth: ஹன்சிகா படத்தில் வில்லனாக நடிக்கும் கிரிக்கெட் வீரர்!

விஜய், சிம்பு, தனுஷ், உதயநிதி ஸ்டாலின், சூர்யா, கார்த்தி, விஷால், ஜெயம் ரவி என்று முன்னணி நடிகர்களுடன் நடித்த ஹன்சிகாவிற்கு தற்போது சினிமா வாய்ப்பு இல்லாமல் ஓரிரு படங்களில் நடித்து வருகிறார். இயக்குநர் ஜமீல் இயக்கத்தில் ஹன்சிகா மூலிகை மகாராணி என்ற கதாபாத்திரத்தில் நடித்துள்ளார்.

மேலும், சிம்பு, ஸ்ரீகாந்த், தம்பி ராமையா, கருணாகரன் ஆகியோர் பலர் இப்படத்தில் நடித்துள்ளனர். ஜிப்ரான் இப்படத்திற்கு இசையமைத்துள்ளார். விரைவில், இப்படம் திரைக்கு வரவுள்ளது. வித்தியாசமான கதை கொண்ட இப்படத்தின் மூலம், ஹன்சிகாவின் உயரும் என்று எதிர்பார்க்கப்படுகிறது. இந்த நிலையில், இப்படத்தைத் தொடர்ந்து புதிய படத்தில் நடிக்க ஹன்சிகா ஒப்பந்தம் செய்யப்பட்டுள்ளார். தர்ம பிரபு படத்தை தயாரித்த ஸ்ரீவாரி பிலிம்ஸ் நிறுவனம் தயாரிக்கும் புதிய படத்தில், ஹன்சிகா நடிக்க இருக்கிறார்.

ஹீரோயினுக்கு முக்கியத்துவம் வாய்ந்த இப்படம் திகில், காமெடி கலந்த கலவையாக உருவாக இருக்கிறதாம், இயக்குநர் ஹரிஹரிஸ் இப்படத்தை இயக்குகிறார். கோடை விடுமுறையை முன்னிட்டு இப்படத்தை வெளியிட படக்குழுவினர் முடிவு செய்துள்ளதாக கூறப்படுகிறது.

இந்த நிலையில், இப்படத்தில், வில்லனாக நடிக்க பிரபல கிரிக்கெட் வீரர் ஸ்ரீசாந்த் நடிக்க இருப்பதாக தகவல் வெளியாகியுள்ளது. இதற்கு முன்னதாக ஸ்ரீசாந்த், ஹிந்தி, மலையாளம், கன்னடம் ஆகிய மொழிப் படங்களில் நடித்துள்ளார். ஹன்சிகாவின் படத்தில் நடிப்பதன் மூலம் தமிழ் ரசிகர்களிடையே நல்ல வரவேற்பைப் பெறுவார் என்று எதிர்பார்க்கப்படுகிறது.

ஹன்சிகா மோத்வானி, தெனாலி ராமகிருஷ்ணா பிஏ பிஎல் என்ற தெலுங்கு படத்திலும், பார்ட்னர், கல்யாணின் தலைப்பு வைக்கப்படாத தமிழ் படத்திலும் நடித்து வருகிறார் என்பது குறிப்பிடத்தக்கது.