Varisu: வம்சி பைடிபல்லியின் சர்ச்சை பேச்சு: பிரபல இயக்குனர் பதிலடி.!

விஜய் நடிப்பில் வம்சி இயக்கிய 'வாரிசு' படம் அண்மையில் வெளியானது. விஜய் ரசிகர்கள் மத்தியில் கலவையான விமர்சனங்களை குவிக்கும் இந்தப்படம் பாக்ஸ் ஆபிஸில் 7 நாட்களில் 210 கோடி வரை வசூல் செய்துள்ளதாக தயாரிப்பு தரப்பில் இருந்து அறிவிக்கப்பட்டுள்ளது. கடந்த 11 ஆம் தேதி 'வாரிசு' வெளியானதை தொடர்ந்து தெலுங்கில் 'வாரசுடு' படம் ஜனவரி 14 ஆம் தேதி ரிலீசானது.

தெலுங்கில் பல ஹிட் படங்களை கொடுத்த வம்சி பைடிபல்லி இயக்கியுள்ள ‘வாரிசு’ படத்தினை ஸ்ரீ வெங்கடேஸ்வரா கிரியேஷன்ஸ் நிறுவனம் சார்பில் தில் ராஜு தயாரித்துள்ளார். 'வாரிசு' படத்தில் ராஷ்மிகா மந்தனா, சரத்குமார், பிரபு, பிரகாஷ் ராஜ், எஸ்.ஜே. சூர்யா, ஷாம், ஸ்ரீகாந்த், சங்கீதா ஜெயசுதா, யோகிபாபு, ஸ்ரீமன், ஜான் விஜய், விடிவி கணேஷ் உள்ளிட்ட பல முன்னணி நட்சத்திரங்கள் விஜய்யுடன் இணைந்து நடித்துள்ளனர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

கடந்த ஜனவரி 11 ஆம் தேதி வெளியான 'வாரிசு' படம் வசூலில் வரவேற்பை பெற்றாலும் விமர்சனரீதியாக கடும் சறுக்கலை சந்தித்துள்ளது. படம் மிகவும் ஸ்லோவாக இருப்பதாகவும், விஜய் இந்த கதையை எப்படி தேர்ந்தெடுத்து நடித்தார் என அவரது ரசிகர்களே குமுறி கொண்டு இருக்கின்றனர். குறிப்பாக படத்தின் டிரெய்லர் வெளியானதில் இருந்தே சீரியல் போல் இருப்பதாக விமர்சனங்கள் எழுந்தது.

பிரபல யூடிப் விமர்சகர் ப்ளு சட்டை மாறனும் 'வாரிசு' படத்தை இந்தி டப்பிங் மெஹா சீரியல் என கடுமையாக விமர்சித்திருந்தார். இந்நிலையில் இந்தப்படத்தின் நெகட்டிவ் விமர்சனம் குறித்து நேர்காணல் ஒன்றில் பேசிய இயக்குனர் வம்சி பைடிபல்லி, படம் எடுப்பது எவ்வளவு கஷ்டம் தெரியுமா? ஒவ்வொரு திரைப்படத் தயாரிப்பாளரும் பல தியாகங்களைச் செய்கிறார்கள். ஒவ்வொரு முன்னணி நடிகருக்கும் எத்தனையோ தியாகங்கள் இருக்கின்றன.

PS 2: 'பொன்னியின் செல்வன் 2' படக்குழுவின் அடுத்த அதிரடி: ரசிகர்களுக்கு காத்திருக்கும் ட்ரீட்.!

சீரியல் கூட கம்பேர் பண்ணி பேசுறாங்க. ஏன் சீரியல்களை கேவலப்படுத்துகிறீர்கள்? என கோபமாக பேசியிருந்தார். அவரின் இந்த பேட்டியை பார்த்த ரசிகர்கள் கோடி கோடியா சம்பாரிச்சு தான படம் எடுக்குறீங்க. அப்பறம் என்ன தியாகம். லோகேஷ், எச். வினோத் கிட்ட இருந்து கத்துக்கோங்க என கடுமையாக வம்சியை விமர்சனம் செய்தனர்.

Varisu vs Thunivu: வாரிசு, துணிவு படங்களின் வசூல் மோதல்: கடுப்பான பிரபல நடிகர்.!

இந்நிலையில் 'தமிழ் படம்' உள்ளிட்ட படங்களை இயக்கிய இயக்குனர் சி.எஸ். அமுதன் தனது ட்விட்டர் பக்கத்தில், சாமானியனை விட பெரிய தியாகம் எதுவும் நாம் செய்வதில்லை. நமது படைப்புக்கு பொறுப்பேற்க கூடிய இடத்தில் நாம் உள்ளோம்’ என்று வம்சிக்கு பதிலடி கொடுக்கும் விதமாக பதிவிட்டுள்ளார். அவரின் இந்த பதிவு இணையத்தில் வைரலாகி வருகிறது.