அதிசயம் அற்புதம் இறங்குனா களத்துல: வெளியானது 'தனி வழி' லிரிக்கல் வீடியோ

ஏ. ஆர். முருகதாஸ் இயக்கத்தில் ரஜினிகாந்த், நயன்தாரா, யோகி பாபு உள்ளிட்டோர் நடித்துள்ள தர்பார் படத்தின் இசை வெளியீட்டு விழா சென்னையில் உள்ள நேரு உள்விளையாட்டு அரங்கில் நடைபெற்று வருகிறது. அரங்கிற்குள் ரஜினி நுழைந்தபோது ரசிகர்கள் மகிழ்ச்சி ஆரவாரம் செய்தனர்.

இசை வெளியீட்டு விழாவை திருவிழா போன்று நடத்துகிறது தயாரிப்பு நிறுவனமான லைகா. மேடையில் பேசிய யோகி பாபு, நிவேதா தாமஸ், ராகவா லாரன்ஸ் உள்ளிட்டோர் ரஜினியின் எளிமையை பாராட்டினார்கள்.

தர்பார் படத்தில் வரும் தனி வழி பாடலை இசையமைப்பாளர் அனிருத் மற்றும் யோகி பி ஆகியோர் சேர்ந்து மேடையில் பாட அரங்கமே அதிர்ந்தது. இந்நிலையில் தனி வழி பாடலின் லிரிக்கல் வீடியோ வெளியாகியுள்ளது.



பாடல் துவங்கியதும் ஆங்கில வரிகளாக வருகிறது அதன் பிறகே தோள்பட்டை நட்சத்திரம், காக்கி சட்டை நீதிக்கவசம், பேர் சொன்னால் கூட்டம் அடங்கும், ஆதித்யா அருணாச்சலம் என்று என்று தமிழில் துவங்குகிறது.

தெலங்கானா என்கவுண்டர்: லேட்டா சொன்னாலும் ரொம்ப சரியாச் சொன்ன நயன்தாரா

சும்மா கிழி பாடலை போன்றே தனி வழி பாடலிலும் ரஜினியின் புகழ் பாடியுள்ளார்கள். ரஜினியின் வருங்கால அரசியலையும் மனதில் வைத்து பாடல்கள் எழுதப்பட்டுள்ளது.



அதிசயம் அற்புதம் இறங்குனா களத்துல என்கிற வரியை பார்த்தவர்கள் இறங்க மாட்டேன்கிறாரே என்று தெரிவித்துள்ளனர். சும்மா கிழி பாடலின் டியூன் சுடப்பட்டது என்று வீடியோ ஆதாரம் வெளியிட்டவர்கள் இந்த தனி வழி டியூன் எங்கிருந்து எடுக்கப்பட்டது என்று தேடத் துவங்கிவிட்டனர்.

2019ல் யூடியூபில் இந்தியாவில் நம்பர் 1 'ரவுடி பேபி': தனுஷ் ஹேப்பி அண்ணாச்சி

அட, அனிருத்தை நம்புங்கப்பா, சொந்த சரக்கு தான்.