தமிழில் வெளியாகும் ‘பிரபாஸ் பாகுபலி’

தெலுங்கில் வெளியான ‘டார்லிங்’ படம் தமிழில் ‘பிரபாஸ் பாகுபலி’ என்ற பெயரில் வெளியாகவுள்ளது.

பிரபாஸ், காஜல் அகர்வால், பிரபு நடித்து தெலுங்கில் வெளிவந்து வெற்றி பெற்ற படம் ‘டார்லிங்’. ஜி.வி.பிரகாஷ் இசை அமைத்திருந்தார், ஆண்ட்ரு ஒளிப்பதிவு செய்திருந்தார். கருணாகரன் இயக்கி இருந்தார். இந்தப் படம் ‘பிரபாஸ் பாகுபலி’ என்ற பெயரில் தமிழில் டப் செய்யப்பட்டு வெளிவருகிறது.

பிரபாஸ் நடித்த பாகுபலி படம் தமிழில் வெற்றி பெற்று பிரபாஸ் தமிழுக்கு அறிமுகமான நடிகராகியிருப்பதால் இந்த தலைப்பு வைத்திருக்கிறார்கள்.இது ரொமாண்டிக் லவ் ஸ்டோரி. பள்ளியில் ஒன்றாக படித்தவர்கள் பல வருடங்களுக்கு பிறகு ஒன்றாக சந்திக்கிறார்கள். அப்போது அவர்களுக்குள் ஏற்படும் நட்பும், காதலும் தான் கதை. இதன் தமிழ் வசனத்தை ஏஆர்கே ராஜராஜா எழுதியுள்ளார். மீனாட்சி சுந்தரம், சுவாதி, அருண் பாரதி, திருமலை, மோகன் பாடல்களை எழுதியுள்ளனர். பத்ரகாளி பிலிம்ஸ் சார்பில் பிரசாத் வெளியிடுகிறார்.