போக்கிரி வசனத்திற்கு டிக்டாக் செய்த டேவிட் வார்னர்: படத்தில் நடிக்க கேட்ட முன்னணி இயக்குநர்

உலகம் முழுவதும் மக்கள் லாக்டவுனில் இருக்கும் காரணத்தால் அதிக அளவில் சமூக வலைத்தளங்களில் தான் அதிகம் மூழ்கியுள்ளனர். பிரபலங்களும் டிக்டாக் உள்ளிட்டவற்றில் அதிக வீடியோக்கள் பதிவேற்றி வருகின்றனர்.

அந்த வகையில் ஆஸ்திரேலியா கிரிக்கெட் வீரர் டேவிட் வார்னரின் டிக்டாக் வீடியோக்கள் அதிகம் வைரலாகி வருகிறது. ஹிந்திபாடல்கள், தெலுங்கு பாடல்கள் என தொடர்ந்து டான்ஸ் ஆடி வீடியோ வெளியிட்டு வருகிறார் அவர். புட்ட பொம்மா பாடலுக்கு அவரது நடனம் வைரலான நிலையில், சமீபத்தில் தேவர் மகன் இஞ்சி இடுப்பழகா பாடலுக்கு குடும்பத்துடன் நடனம் ஆடி இருந்தார் அவர்.

அதனை தொடர்ந்து நேற்று தெலுங்கு போக்கிரி பட வசனத்தை டிக்டாக் செய்துள்ளார் அவர். அந்த வீடியோ ரசிகர்களை வெகுவாக கவர்ந்தது. ஆனால் அது எந்த படம் என தெரியாததால் அது பற்றி இன்ஸ்டாகிராமில் கேள்வி எழுப்பியிருந்தார். அது போக்கிரி படம் என ரசிகர்கள் பதில் அளித்தனர்.


அந்த வீடியோவை பார்த்த போக்கிரி பட இயக்குனர் பூரி ஜெகன்னாத், தன்னுடைய படத்தில் கெஸ்ட் ரோலில் டேவிட் வார்னரை நடிக்கவைக்க விரும்புவதாக தெரிவித்துள்ளார்.

"இந்த டைலாக் உங்களுக்கு பொருத்தமாக இருக்கிறது. நீங்கள் சிறந்த நடிகர், என்னுடைய படத்தில் கேமியோ ரோலில் நடிப்பீர்கள் என நம்புகிறேன். லவ் யூ" என அவர் தெரிவித்துள்ளார்.