விஜய் சேதுபதியின் 10 ஆண்டுகள் சாதனை - கொண்டாடும் ரசிகர்கள்!

நாயகனாக அறிமுகம் ஆவதற்கு முன்னரே பல்வேறு திரைப்படங்களில் விஜய் சேதுபதி சிறு கதாபாத்திரங்களில் நடித்துள்ளார். அவரது திரைப்பயணத்தில் திருப்புமுனையாக அமைந்தது சீனு ராமசாமி இயக்கிய 'தென்மேற்குப் பருவக்காற்று'. அப்படத்தின் மூலம் நாயகனாக உருவெடுத்த விஜய் சேதுபதி, அதன் பிறகு தனக்கென்று ஒரு தனித்துவமான பாதையை உருவாக்கிக்கொண்டார்.

பிஸா, நடுவுல கொஞ்சம் பக்கத்த காணோம், சூது கவ்வும் என குறும்படங்களின் மூலம் சினிமாவை கண்டடைந்த இயக்குநர்களுக்கு ஆதர்ச நாயகனாக விளங்கினார் விஜய் சேதுபதி. அதன் மூலம் தன்னுடைய நடிப்பாற்றலையும் மெம்மேலும் அவர் செழுமைப்படுத்திக்கொண்டார்.

இயல்பான தோற்றம், வலிமையான பார்வை, எளிமையான தொனி மூலம் சாமானிய ரசிகர்களின் மத்தியில் நெருக்கமான பிம்பமாக விஜய் சேதுபதி பதிந்தார். தொடர்ந்து பெரிய இயக்குநர்களின் படங்களில் கிடைத்த வாய்ப்பையும் கவனமாக பயன்படுத்தி தன்னை நிறுவிக்கொண்டார். ஒரே ஆண்டில் அதிக படங்கள் என்ற சூழலிலும், ஒவ்வொரு படத்திலும் தனிக்கவனம் செலுத்தினார். அவரது படங்களின் பட்டியலில் சிறிய சறுக்கல் என எதையும் தேடினால், ஒன்றிரண்டை மட்டுமே நம்மால் குறிப்பிட்டு சொல்ல முடியும். அந்தளவுக்கு விஜய் சேதுபதியின் உழைப்பு அசாத்தியமாக மின்னியது.

நைட்கிளப் ரெய்டில் கைதானேனா?: ஹேன்ட்சம் ஹீரோவின் மாஜி மனைவி

சினிமாவில் சிறந்த இடத்தை அடைந்ததோடு, சமூக தளத்திலும் விஜய் சேதுபதி தனது சரியான நிலைப்பாட்டை அழுத்தமாக முன்வைத்திருக்கிறார். எழுவர் விடுதலை, பண மதிப்பு நீக்கம், நீட் படுகொலையை முன்வைத்து விஜய் சேதுபதி வெளியிட்ட தெளிவான கருத்துகள் அவர் மீது அனைவருக்கும் நம்பிக்கையை விதைத்தது.

முத்தையா முரளிதரன் வாழ்க்கை வரலாற்றை அடிப்படையாக வைத்து உருவாக்க தீர்மானிக்கப்பட்ட '800' படத்தில் விஜய் சேதுபதி நடிப்பதாக இருந்தது. இதில் விஜய் சேதுபதி நடிக்க ஆதரவும் எதிர்ப்பும் என எதிரெதிர் கருத்துகளும் விமர்சனங்களும் எழுந்தன. சிறிய தடுமாற்றத்தோடு அதையும் கடந்து, தன்னை தமிழ் ரசிகர்களின் நம்பிக்கை நட்சத்திரமாக நிலைநிறுத்தியிருக்கிறார் அவர். இப்போது தமிழ் மட்டுமின்றி மலையாளம், தெலுங்கு, இந்தி என சிகரம் தொடும் விஜய் சேதுபதியின் முழுமையான பயணம் தொடங்கி10 ஆண்டுகள் எட்டியிருப்பது உண்மையில் கொண்டாட தகுதியான ஒரு நிகழ்வு.

இதற்காக பல்வேறு சிடிபி போஸ்டர்களை ரசிகர்கள் உருவாக்கி உள்ளனர். இதனை நடிகர் கதிர், லோகேஷ் கனகராஜ் உட்பட பல்வேறு திரை பிரபலங்கள் பகிர்ந்து வாழ்த்து தெரிவித்து வருகின்றனர். கொண்டாட்டத்தின் ஒரு பகுதியாக #DecadeRulerMakkalSelvan என்ற ஹேஷ்டேகும் ட்ரண்ட் ஆகி வருகிறது.