முருகதாஸ் படத்தில் தீபிகா படுகோனே

ஏ.ஆர்.முருகதாஸ் இயக்கத்தில் நாயகியாக தீபிகா படுகோனே நடிக்க இருக்கிறார்.

ஏ.ஆர்.முருகதாஸ் இயக்கத்தில் விஜய் நடித்த ‘கத்தி’ மிகப்பெரிய வெற்றியை பெற்றது. அதன் பிறகு இந்தி ‘அகிரா’ படத்தை இயக்கினார். இதில் சோனாக்ஷி சின்ஹா, ராய்லட்சுமி உள்பட பலர் நடித்திருக்கிறார்கள். இந்த படம் செப்டம்பர் மாதம் திரைக்கு வரும் என்று செய்தி வெளியாகி உள்ளது. அடுத்து அஜித் படம் ஒன்றை இயக்கப்போவதுதாக கூறப்படுகிறது. இந்த நிலையில் மகேஷ் பாபு படத்தை இயக்கபோவதாக அறிவித்தார். இது தெலுங்கு, தமிழ் இரண்டு மொழிகளிலும் தயாராகிறது.

தற்போது, மகேஷ்பாபு ‘பிரமோற்சவம்’ படத்தில் நடித்துக் கொண்டிருக்கிறார். எனவே அடுத்த மாதம் இந்த படத்தின் படப்பிடிப்பை தொடங்க திட்டமிட்டுள்ளனர். இந்த படத்தில் மகேஷ்பாபு ஜோடியாக இந்தி நடிகை தீபிகாபடுகோனை நடிக்க இருப்பதாக தகவல் வெளியாகி இருக்கிறது. அதிரடி ஆக்ஷன் படமாக உருவாக இருக்கும் இந்த படத்துக்கான ஏற்பாடுகளில் ஏ.ஆர். முருகதாஸ் தீவிரமாக உள்ளார்.