Ajith அஜித்தின் வலிமை ஷூட்டிங்கிற்கு அனுமதி மறுத்த டெல்லி அரசு

நேர்கொண்ட பார்வையை அடுத்து ஹெச். வினோத் இயக்கத்தில் அஜித் நடித்து வரும் படம் வலிமை. கொரோனா வைரஸ் பிரச்சனை ஏற்படுவதற்கு முன்பு ஹைதராபாத்தில் இருக்கும் ராமோஜி ராவ் ஃபிலிம் சிட்டியில் படப்பிடிப்பை துவங்கி நடத்தி வந்தார்கள்.

கொரோனா வைரஸ் பிரச்சனை ஏற்பட்ட பிறகு படப்பிடிப்பை நிறுத்தி வைத்தனர். இந்நிலையில் அண்மையில் மீண்டும் படப்பிடிப்பை துவங்கினார்கள். சென்னையில் நடந்த படப்பிடிப்பில் கார்த்திகேயா கலந்து கொண்டபோது எடுக்கப்பட்ட புகைப்படங்கள் வெளியாகி வைரலாகின. அஜித் தற்போதைக்கு படப்பிடிப்பில் கலந்து கொள்ள மாட்டார் என்று தெரிவிக்கப்பட்டுள்ளது.

வலிமை படத்தில் பைக் மற்றும் கார் ரேஸ் காட்சிகள் இருப்பது அனைவருக்கும் தெரியும். ரேஸ் காட்சிகளை வெளிநாடுகளில் படமாக்க திட்டமிட்டிருந்தார் வினோத். ஆனால் கொரோனா வைரஸ் அவர் திட்டத்தில் மண்ணை அள்ளிப் போட்டுவிட்டது.

கொரோனா வைரஸ் பிரச்சனை தற்போதைக்கு தீர்வதாக இல்லை. இதனால் வெளிநாடுகளில் படப்பிடிப்பு நடத்துவது கடினம் என்பதால் இந்தியாவிலேயே ரேஸ் காட்சிகளை படமாக்க முடிவு செய்துள்ளார் வினோத். இதையடுத்து டெல்லியில் இதுவரை படப்பிடிப்பு நடக்காத ஒரு இடத்தில் வலிமை ஷூட்டிங்கை நடத்த தயாரிப்பாளர் போனி கபூர் திட்டமிட்டார். ஆனால் அந்த இடத்தில் படப்பிடிப்பை நடத்த அரசு அனுமதி அளிக்கவில்லை.

இதையடுத்து மீண்டும் லொகேஷன் பார்த்துக் கொண்டிருக்கிறார்களாம். வலிமை படம் குறித்து வினோத்தும் சரி, போனி கபூரும் சரி அப்டேட் கொடுப்பது இல்லை. இதனால் அஜித் ரசிகர்கள் கடுப்பில் இருக்கிறார்கள். பல நேரம் படத்திற்கு சம்பந்தமே இல்லாதவர்களிடம் எல்லாம் வலிமை அப்டேட் ப்ளீஸ் என்று கேட்கிறார்கள். அவர்களின் நிலையை பார்த்து பிற நடிகர்களின் ரசிகர்கள் பாவப்படுகிறார்கள். சிலர் கிண்டலும் செய்கிறார்கள்.

வலிமை படத்தில் அஜித் போலீஸ் அதிகாரியாக நடிக்கிறார். அவருக்கு ஜோடியாக பாலிவுட் நடிகை ஹூமா குரேஷி நடிக்கிறார். படத்திற்கு யுவன் ஷங்கர் ராஜா இசையமைக்கிறார். மங்காத்தா மாதிரி வலிமை படத்திற்கு ஒரு மாஸ் பிஜிஎம் போடுமாறு ரசிகர்கள் யுவனுக்கு கோரிக்கை விடுத்துள்ளனர்.

800 படத்தில் இருந்து விலகிய விஜய் சேதுபதி: அடுத்த பஞ்சாயத்து சன் ரைசர்ஸா?