வெப் சீரியல்களில் ஆபாசம்: டெல்லி உயர்நீதி மன்றம் நோட்டீஸ்!

வெப் சீரியல்களில் ஆபாசம் அதிகமாக உள்ளதால், அதற்கும் சென்சார் வேண்டும் என்று கோரிய வழக்கில் டெல்லி உயர்நீதிமன்றம் விளக்கம் கேட்டு மாநில அரசுகளுக்கு நோட்டீஸ் அனுப்பியுள்ளது.

‘நெட்பிளிக்ஸ்’, ‘அமேசான் ப்ரைம்’ போன்ற இணையதளங்கில் படங்கள் மற்றும் சீரியல்கள் ஒளிபரப்பாகி வருகின்றன. இதில் ஒளிபரப்பாகும் படங்கள் மற்றும் சீரியல்களில் அதிகமான ஆபாசம் இருப்பதாக கூறி பொதுமக்கள் நலன் கருதி டெல்லி உயர்நீதி மன்றத்தில் வழக்கு தொடரப்பட்டுள்ளது.

இது தொடர்பாக விளக்கம் அளிக்கும்படி மாநில அரசுகளுக்கு டெல்லி உயர்நீதிமன்றம் நோட்டீஸ் அனுப்பியுள்ளது. இதன் அடுத்த கட்ட விசாரணை அடுத்த வருடம் பிப்ரவரியில் நடக்கவுள்ளது. அரசு எடுக்கும் முடிவை பொறுத்து வெப் சீரியல்களுக்கு சென்சார் வர வாய்ப்பு உள்ளது என்று கூறப்படுகிறது.

சமீபத்தில் வந்த சீக்ரெட் கேம்ஸ் பெரிய அளவில் சர்ச்சையை ஏற்படுத்தியது. இதையடுத்து இந்த பிரச்னையை தவிர்க்க‘நெட்பிளிக்ஸ்’, ‘அமேசான் ப்ரைம்’போன்ற தளங்கள் தாங்களாகவே ஆபாச காட்சிகளை நீக்க ஒப்புக்கொண்டிருப்பதாக பதிலளித்துள்ளனர்.ஆனால் அதை நெட்பிளிக்ஸ் மறுத்துள்ளது.