அடுத்தடுத்து தள்ளிப்போன தேவி மற்றும் போகன் படங்கள்

தேவி மற்றும் போகன் ஆகிய இரு படங்களும் ரசிகர்களால் அதிகம் எதிர்பார்க்கப்பட்ட படங்கள். முதலில் தேவி படம் செப்டம்பர் 9ம் தேதி ரிலீஸாகும் என்று தெரிவிக்கப்பட்டிருந்தது. ஆனால், இப்படம் செப்டம்பர் மாதத்தின் இறுதி வாரத்திற்கு தள்ளிப்போனது.

ஏ.எல்.விஜய் இயக்கும் இப்படத்தில் பிரபு தேவா, தமன்னா முன்னணி கதாபாத்திரத்தில் நடிக்கின்றனர். த்ரில்லர் படமாக உருவாகி வரும் இப்படத்திற்கு இசை ஜி.வி.பிரகாஷ், தயாரிப்பு எம்.வி.வி.சத்யநாராயணா. இப்படம் தெலுங்கில் அபினேத்ரி என்ற டைட்டிலிலும், ஹிந்தியிலும் உருவாகி வருகிறது.

இப்படத்தைத் தொடர்ந்து ஜெயம் ரவி, ஹன்சிகா, அரவிந்த் சாமி ஆகியோரது நடிப்பில் உருவாகி வரும் படம் போகன். இப்படம் அக்டோபர் மாதம் வெளிவரும் என்று அறிவிக்கப்பட்டிருந்தது. இந்நிலையில் தற்போது இப்படத்தை நவம்பர் மாதத்திற்கு தள்ளிவிட்டனர் படக்குழுவினர். லக்ஷ்மண் இயக்கும் இப்படத்தை பிரபு தேவா தயாரிக்கிறார். இசை இமான்.