அனிருத்தை கழட்டி விட்ட தனுஷ்! மீண்டும் தனுஷுடன் இணைந்த ஜி.வி.பிரகாஷ்!

நடிகர் தனுஷ் நடிப்பில் சமீபத்தில் வெளியான படம் ‘மாரி 2’. இந்தப் படம் தற்போது வெற்றி நடை போட்டு வருகிறது. அடுத்ததாக நடிகர் தனுஷ் வெற்றிமாறன் இயக்கத்தில் ‘அசுரன்’ என்ற படத்தில் நடித்து வருகிறார். இந்த படத்தின் பர்ஸ்ட் லுக் போஸ்டர் சமீபத்தில் வெளியாகி ரசிகர்களை அதிகம் கவர்ந்தது. இந்நிலையில் இந்த படத்தின் இசையமைப்பாளராக ஜி.வி. பிரகாஷ் ஒப்பந்தம் செய்யப்பட்டிருக்கிறார்.

இதற்கு முன் தனுஷ் நடித்த ‘ஆடுகளம்’, ‘மயக்கம் என்ன’ ஆகிய படங்களுக்கு ஜி.வி.பிரகாஷ்தான் இசையமைத்திருந்தார். ‘மயக்கம் என்ன’ படத்தின் போது தனுஷுக்கும், ஜி.வி.பிரகாஷுக்கும் ஏற்பட்ட மனகசப்பால் இவ்வளவு நாட்களாக இருவரும் பேசிக்கொள்ளாமலேயே இருந்தனர்.

இந்நிலையில் தற்போது ஜீ.வி.ப்ரகாஷுடன் தனுஷ் சமாதானம் ஆகியுள்ளார் என கூறப்படுகிறது. சமீபத்தில் ஜி.வி. பிரகாஷ் நடிப்பில் உருவாகி வரும் ‘ஜெயில்’ படத்தில் தனுஷ் ஒரு பாடல் பாடினார். தற்போது வெற்றிமாறன் இயக்கத்தில் தனுஷ் நடிக்கவுள்ள ‘அசுரன்’ படத்திற்கு ஜி.வி.பிரகாஷ் இசையமைப்பாளராக ஒப்பந்தமாகியுள்ளார்.