‘காலா’ படம் நஷ்டமா? சரிகட்ட 40 கோடி தர நடிகர் தனுஷ் சம்மதம்!

‘காலா’ படத்தைத் தயாரித்த நடிகர் தனுஷ் அதன் நஷ்டத்தை சரிக்கட்ட விநியோகஸ்தர்களுக்கு நஷ்டஈடு ரூ.40 கோடி தர சம்மதம் தெரிவித்துள்ளார்.

ரஜினிகாந்த் நடிப்பில் சமீபத்தில் வெளியான படம் ‘காலா’. இந்தப் படம் தோல்வியடைந்ததால் வினியோகஸ்தர்களுக்கு ஏற்பட்ட நஷ்டத்தை திருப்பி தர தனுஷ் சம்மதித்து விட்டாராம். இநதப் படத்தை பா.ரஞ்சித் இயக்கியுள்ளார். இந்தப் படம் எதிர்பார்த்த வெற்றியை பெறவில்லை. படம் வெளியாக 3வது நாளிலேயே பல தியேட்டர்கள் காத்து வாங்கியது.

இப்படத்தை தயாரிப்பாளரான நடிகர் தனுஷ் டிஸ்ட்ரிபியூஷன் முறையில்தான் வினியோகஸ்தர்களிடம் கொடுத்துள்ளார். தமிழ்நாடு தியேட்டரிக்கல் உரிமை மட்டும் ரூ.62 கோடிக்கு விற்கப்பட்டது. ஆனால் எதிர்பார்த்த வெற்றி பெறாததால், படத்தை வாங்கியவர்கள், நஷ்டத்தை ஏற்கும்படி தனுஷிடம் வலியுறுத்தியுள்ளனர். எனவே, ரூ.40 கோடி நஷ்டத்தை அவர் ஏற்றுக்கொண்டதாக தெரிகிறது. இதன் மூலம் காலா ஒரு தோல்விப்படம் என்பது உறுதியாகியுள்ளது.