மீண்டும் இணைந்த தனுஷ்-அனிருத் ஜோடி உற்சாகத்தில் ரசிகர்கள்!!

நீண்ட நாட்களுக்குப் பிறகு நடிகர் தனுஷும் இசையமைப்பாளர் அனிருத்தும் ஒன்றாக சேர்ந்து போட்டோவுக்கு போஸ் கொடுத்துள்ளனர்.

நடிகர் தனுஷுன் ஆஸ்தான இசையமைப்பாளராக இருந்தவர், அவரின் உறவினரும் நண்பருமான அனிருத். அவர் இசையமைத்த தனுஷின் படங்களில் பாடல்கள் அனைத்தும் பட்டி தொட்டி எங்கும் மிகப் பெரிய வெற்றியைப் பெற்றது.

இதையடுத்து, சில காரணங்களால் சில ஆண்டுகளாக இருவரும் ஒன்றாக சேர்ந்து பணியாற்றாமல் இருந்து வருகின்றனர். பொது இடங்களிலும் இதுவரை இருவரும் ஒன்றாக சந்திக்காமல் இருந்தனர்.

இந்நிலையில், நடிகர் ஒய்.ஜி.மகேந்திரனின் மகன் ஹ்ர்ஷவர்தனின் திருமணம் சென்னையில் இன்று நடைபெற்றது. இதில் தனுஷ் மற்றும் அனிருத் ஆகியோர் கலந்து கொண்டனர். அப்போது, அவர்கள் இருவரும் குடும்பத்துடன் ஒன்றாக சேர்ந்து புகைப்படத்திற்கு போஸ் கொடுத்துள்ளனர்.

தற்போது, இந்தப் படம் சமூக வலைத்தளங்களில் வைரலாகி வருகிறது. இதனால், தனுஷ் மற்றும் அனிருத் ரசிகர்கள் உற்சாகத்தில் உள்ளனர்.