வைரலாகும் தனுஷ் குடும்ப புகைப்படங்கள்: யாத்ரா, லிங்காவை கண்டுபிடிங்க பார்ப்போம்

வெற்றிமாறன் இயக்கத்தில் அசுரன் படத்தில் நடித்து முடித்த கையோடு தனுஷ் கார்த்திக் சுப்புராஜ் இயக்கத்தில் நடிக்க சென்றுவிட்டார். தற்போதைக்கு டி40 என்று அழைக்கப்படும் அந்த படத்தின் படப்பிடிப்பு இங்கிலாந்தில் தொடர்ந்து 64 நாட்கள் நடந்தது. பெரும்பாலான காட்சிகளை லண்டனில் படமாக்கியுள்ளனர். ஒரு சில காட்சிகளை இங்கிலாந்தின் பிற பகுதிகளில் ஷூட் செய்துள்ளனர்.

கார்த்திக் விறுவிறுப்பாக ஷூட்டிங்கை நடத்தி முடித்துவிட்டார். டி40 ஷூட்டிங் முடிந்துவிட்டது என்று தயாரிப்பாளர் சசிகாந்த் ட்விட்டரில் தெரிவித்துள்ளார். ஒரே ஷெட்யூலில் வெளிநாட்டில் படத்தை எடுத்து முடிப்பு எளிதான காரியம் அல்ல. அதை செய்து முடித்த கார்த்திக் சுப்புராஜுக்கு தனுஷ் ரசிகர்கள் வாழ்த்து தெரிவித்துள்ளனர். கார்த்திக் சுப்புராஜ், தனுஷ் சேர்ந்து பணியாற்றியுள்ளது இதுவே முதல் முறை ஆகும்.

தொடர்ந்து படங்களில் பிசியாக இருந்த தனுஷ் சென்னை திரும்பியதும் குடும்பத்துடன் நேரம் செல்வு செய்ய முடிவு செய்தார். இதையடுத்து தனது அண்ணன் செல்வராகவன், அக்கா விமலா, கார்த்திகா குடும்பத்துடன் ஒரு கெட் டுகெதருக்கு ஏற்பாடு செய்தார். கெட் டுகெதரில் தனுஷ், ஐஸ்வர்யா ரஜினிகாந்த், அவர்களின் மகன்கள் யாத்ரா, லிங்கா, செல்வராகவன், அவரின் மனைவி கீதாஞ்சலி, குழந்தைகள் மற்றும் விமலா, கார்த்திகா ஆகியோரின் கணவன்கள், குழந்தைகள் கலந்து கொண்டனர்.

ஒட்டு மொத்த குடும்பமும் ஒன்று சேர்ந்தபோது எடுத்த புகைப்படங்கள் சமூக வலைதளங்களில் வெளியாகியுள்ளது. தனுஷ் குடும்பத்தை பார்த்து ரசிகர்கள் மகிழ்ச்சி அடைந்துள்ளனர். துரை செந்தில்குமார் இயக்கத்தில் தனுஷ் நடித்துள்ள பட்டாஸ் படம் வரும் டிசம்பர் மாதம் ரிலீஸாக உள்ளது. அதில் அவர் இரட்டை வேடங்களில் நடித்துள்ளார். மேலும் பரியேறும் பெருமாள் படம் புகழ் மாரி செல்வராஜ் இயக்கத்தில் நடிக்க உள்ளார் தனுஷ். இது தவிர அவர் ராம்குமார் மற்றும் ஆனந்த் எல் ராய் ஆகியோரின் படங்களிலும் நடிக்கவிருக்கிறார். அந்த 3 படங்களின் படப்பிடிப்புகள் அடுத்த ஆண்டு துவங்க உள்ளன.