Dhanush நிவர் புயலுக்கு மத்தியிலும் கொண்டாட்டத்தில் தனுஷ் ரசிகர்கள்

செல்வராகவன் இயக்கத்தில் தனுஷ், ரிச்சா கங்கோபத்யாய உள்ளிட்டோர் நடித்த மயக்கம் என்ன படம் ரிலீஸாகி இன்றுடன் 9 ஆண்டுகள் ஆகிறது. புகைப்படக் கலைஞராக தனுஷ் தன் அபார நடிப்பால் அசத்திய மயக்கம் என்ன படத்தை யாராலும் அவ்வளவு சீக்கிரம் மறந்துவிட முடியாது.

மேலும் ரிச்சாவின் அழுத்தமான கதாபாத்திரம், அதை எவர் ஏற்று நடித்த விதம் பற்றியும் அப்பொழுது பெரிதாக பேசப்பட்டது. இந்நிலையில் நிவர் புயல் பயத்திற்கு மத்தியிலும் தனுஷ் ரசிகர்கள் மயக்கம் என்ன படத்தை கொண்டாடிக் கொண்டிருக்கிறார்கள். இதனால் #9YearsOfMayakkamEnna என்கிற ஹேஷ்டேக் ட்விட்டரில் தேசிய அளவில் டிரெண்டாகி வருகிறது.

வாவ்... மயக்கம் என்ன ரிலீஸாகி அதற்குள் 9 ஆண்டுகள் ஆகிவிட்டது என்று என்னால் நம்ப முடியவில்லை என்று அந்த படத்தின் ஹீரோயின் ரிச்சா ட்வீட் செய்துள்ளார். சினிமாவுக்கு முழுக்குப் போட்டுவிட்டு வேறு கெரியரை தேர்வு செய்ததற்காக வருத்தப்படவில்லை என்கிறார் ரிச்சா.

அமெரிக்காவில் கணவருடன் வசித்து வரும் ரிச்சா மேலும் கூறியிருப்பதாவது,

நான் நடிகையாக இருந்தபோது மார்க்கெட்டிங் மற்றும் பிராண்ட் மேனேஜ்மென்ட் மீது ஈர்ப்பு ஏற்பட்டது என்று உங்களுக்கு தெரியுமா?. அதனால் தான் நான் நடிப்பை நிறுத்திவிட்டு எம்.பி.ஏ. படித்தேன். பிரபலமான ஸ்டாராக இருப்பது தவிர்த்து பிற கனவுகள் காண்பது சாத்தியமே. என் படங்களை பார்த்து பாராட்டியதுடன் இல்லாமல் நான் திரையுலகை விட்டு விலகியும் ஆதரவு அளிக்கும், கொண்டாடும் அனைவருக்கும் நன்றி. நீங்கள் இல்லாமல் என்னால் திரையுலகில் வெற்றிகரமாக இருந்திருக்க முடியாது.
மயக்கம் என்ன ரசிகர்களுக்கு ஒன்றை சொல்லிக் கொள்ள விரும்புகிறேன். நிஜ வாழ்க்கையில் நான் தான் கார்த்திக். என் கணவர் ஜோ தான் யாமினி. நான் என்ன செய்தாலும் ஆதரவாக இருப்பார் என்று தெரிவித்துள்ளார்.

மயக்கம் என்ன பற்றி ரசிகர்கள் கூறியிருப்பாதவது,
எனக்கு எப்பொழுது சோர்வாக இருந்தாலும் மயக்கம் என்ன படம் பார்ப்பேன். நம் மனதுக்கு பிடித்ததை செய்யும் தைரியத்தை அந்த படம் கொடுக்கிறது. கார்த்திக்-யாமினி ஜோடி வாழ்க்கையில் கஷ்டங்களை தைரியமாக எதிர்கொள்ள அனைவருக்கும் தைரியம் கொடுக்கும் ஜோடி. யாமினி போன்று ஒரு மனைவி கிடைப்பது வரம் என்று தெரிவித்துள்ளனர்.

என்ன, சிம்புவின் ஈஸ்வரன் பற்றி ராபர்ட் மாஸ்டர் இப்படி சொல்லிட்டாரே