இதென்ன புது சோதனை..?: செம்ம கடுப்பில் தனுஷ் ரசிகர்கள்..!

கார்த்திக் நரேனின் 'மாறன்' படத்தை தொடர்ந்து சன் பிக்சர்ஸ் தயாரிப்பில் மித்ரன் ஜவஹர் இயக்கத்தில் 'திருச்சிற்றம்பலம்’ படத்தில் நடித்து வந்தார் தனுஷ். இந்தப்படத்தின் படப்பிடிப்பு அண்மையில் பூஜையுடன் துவங்கியது. இந்நிலையில் தனுஷின் ஹாலிவுட் படமான 'தி கிரே மேன்' படத்தின் கிளிம்ப்ஸ் வீடியோ வெளியாகி இணையத்தில் வைரலாகி வருகிறது..

தனுஷின் இரண்டாவது ஹாலிவுட் திரைப்படமான 'தி கிரே மேன்' படத்தின் படப்பிடிப்பு துரிதமாக நடைபெற்று வருகிறது. 'அவெஞ்சர்ஸ் இன்ஃபினிடி வார்', 'எண்ட்கேம்' படங்களை இயக்கிய ஆண்டனி ரூசோ, ஜோ ரூசோ ஆகிய இருவரின் இயக்கத்தில் ரியான் கோஸ்லிங், கிறிஸ் எவன்ஸ், அனா டி அர்மாஸ், ஜெசிக்கா ஹென்விக் ஆகியோருடன் இணைந்து இந்தப்படத்தில் நடிக்கிறார் தனுஷ்.

'கர்ணன்' படத்தின் ரிலீசுக்கு முன்பாகவே ஹாலிவுட் படமான 'தி கிரே மேன்' படப்பிடிப்பிற்காக வெளிநாட்டிற்கு சென்றார் தனுஷ். 'தி கிரே மேன்' என்கிற நாவலை தழுவி, அந்த நாவலின் பெயரிலே ரூஸோ சகோதரர்கள் இயக்கும் இந்தப்படத்தில் முக்கிய கதாபாத்திரத்தில் நடிக்கிறார் தனுஷ். இந்தப்படம் ஓடிடி தளமான நெட்பிளிக்ஸில் வெளியாகும் என்று முன்னரே அறிவித்துள்ளனர் படக்குழுவினர்.

நடிகர் விஜய்யுடன் முதலமைச்சர் திடீர் சந்திப்பு: வெளியான பரபரப்பு தகவல்..!
இந்நிலையில் இந்தப்படத்தின் முதல் க்ளிம்ப்ஸ் காட்சிகள் வெளியாகியுள்ளது. வெளியான சில நிமிடங்களிலேயே பல லட்சம் பேரால் பார்க்கப்பட்ட உலக அளவில் ட்ரெண்ட் ஆன இந்த க்ளிம்ப்ஸ் காட்சிகளில் தனுஷ் தொடர்பான காட்சிகள் இடம்பெறாதது ரசிகர்கள் மத்தியில் ஏமாற்றத்தை அளித்துள்ளது. இதனை தொடர்ந்து தனுஷ் சம்பந்தமான காட்சிகளை வெளியிடுமாறு ட்விட் செய்து வருகின்றனர் ரசிகர்கள்.


'மாறன்' படத்தை தொடர்ந்து 'திருச்சிற்றம்பலம்' படத்தில் நடித்து முடித்துள்ளார் தனுஷ். இந்தப்படத்தில்ப்ரியா பவானி சங்கர், ராஷி கண்ணா, நித்யா மேனன் உள்ளிட்ட நான்கு கதாநாயகிகள் நடிக்கவுள்ளனர். இதனை தொடர்ந்து தனது அண்ணன் செல்வராகவன் இயக்கத்தில் 'நானே வருவேன்' படத்தில் நடிக்கவுள்ளார் தனுஷ்.