அடடே.. தீயா இருக்கே... வெளியானது தனுஷின் 'மாறன்' மோஷன் போஸ்டர்!

தனுஷ் நடிப்பில் உருவாகி ரிலீசுக்கு தயாராக உள்ள படம் 'மாறன்'. கார்த்திக் நரேன் இயக்கியுள்ள இந்தப்படத்தை தொடர்ந்து மித்ரன் ஜவஹர் இயக்கத்தில் 'திருச்சிற்றம்பலம்' படப்பிடிப்பில் கலந்து கொண்டார் தனுஷ். இந்நிலையில் 'மாறன்' படத்தின் மோஷன் போஸ்டர் தற்போது வெளியாகியுள்ளது.

நடிகர் தனுஷ், மாளவிகா மோகனன் நடிப்பில் உருவாகியுள்ள படம் மாறன். கார்த்திக் நரேன் இயக்கிய இதன் படப்பிடிப்பு ஐதராபாத்தில் உள்ள ராமோஜிராவ் பிலிம் சிட்டியில் நடைபெற்று வந்தது. அதனை தொடர்ந்து அமெரிக்காவில் ஹாலிவுட் படமான தி க்ரே மேன் படத்தின் படப்பிடிப்பை முடித்துக் கொண்டு நாடு திரும்பிய தனுஷ், மீண்டும் ஐதராபாத்தில் நடைபெறும் படப்பிடிப்பில் கலந்து கொண்டார்.

'மாறன்' படப்பிடிப்பு விறுவிறுப்பாக நடைபெற்ற நிலையில் மித்ரன் ஜவஹர் இயக்கத்தில் 'திருச்சிற்றம்பலம்' படத்தில் நடிக்க ஒப்பந்தமானார் தனுஷ். சன் பிக்சர்ஸ் தயாரிக்கும் இந்தப்படத்தில் ப்ரியா பவானி சங்கர், ராஷி கண்ணா, நித்யா மேனன் உள்ளிட்டோர் கதாநாயகிகளாக நடிக்கின்றனர். நீண்ட இடைவேளைக்கு பின் தனுஷ், அனிருத் கூட்டணி இந்த படத்தில் இணைந்து பணிபுரிய உள்ளது குறிப்பிடத்தக்கது.

கஷ்டமான, ஆபத்தான சூழ்நிலையில் வாழ்ந்திட்டிருக்கோம்: ரஜினி வேண்டுகோள்!
இந்நிலையில் 'மாறன்' படத்தின் மிரட்டலான மோஷன் போஸ்டர் தற்போது வெளியாகியுள்ளது. இதில் ஜிவி பிரகாஷ் குமாரின் பின்னணி இசை மிரட்டலாக உள்ளதாக ரசிகர்கள் கமெண்ட் செய்து வருகின்றனர். மேலும் இந்தப்படம் திரையரங்குகளில் வெளியானால் செம்ம மாஸாக இருக்கும் என்றும் ரசிகர்கள் கூறி வருகின்றனர்.


'மாறன்' படத்தில் சமுத்திரகனி, காளி வெங்கட், மாஸ்டர் மகேந்திரன் உள்பட பலர் நடித்து வருகின்றனர். ஜிவி பிரகாஷ் இசையில் உருவாகி வரும் இந்தப் படத்தில் தனுஷ் ஜோடியாக மாளவிகா மோகனன் நடித்துள்ளார். 'மாறன்' படம் நேரடியாக டிஸ்னி பிளஸ் ஹாட்ஸ்டாரில் வெளியாக உள்ளது குறிப்பிடத்தக்கது.