தனுஷ் ரசிகர்கள் எதிர்பார்த்த 'அந்த' அறிவிப்பு: வெளியான பரபரப்பு தகவல்..!

தனுஷ் நடிப்பில் உருவாகி ரிலீசுக்கு தயாராக உள்ள படம் 'மாறன்'. கார்த்திக் நரேன் இயக்கியுள்ள இந்தப்படத்தை தொடர்ந்து மித்ரன் ஜவஹர் இயக்கத்தில் 'திருச்சிற்றம்பலம்' படப்பிடிப்பில் கலந்து கொண்டார் தனுஷ்.அண்மையில் வெளியான 'மாறன்' படத்தின் பர்ஸ்ட் சிங்கிள் ரசிகர்கள் மத்தியில் அமோக வரவேற்பினை பெற்றது.

நடிகர் தனுஷ், மாளவிகா மோகனன் நடிப்பில் உருவாகியுள்ள படம் மாறன். கார்த்திக் நரேன் இயக்கிய இதன் படப்பிடிப்பு ஐதராபாத்தில் உள்ள ராமோஜிராவ் பிலிம் சிட்டியில் நடைபெற்று வந்தது. அதனை தொடர்ந்து அமெரிக்காவில் ஹாலிவுட் படமான தி க்ரே மேன் படத்தின் படப்பிடிப்பை முடித்துக் கொண்டு நாடு திரும்பிய தனுஷ், மீண்டும் ஐதராபாத்தில் நடைபெறும் படப்பிடிப்பில் கலந்து கொண்டார்.

'மாறன்' படப்பிடிப்பு விறுவிறுப்பாக நடைபெற்ற நிலையில் மித்ரன் ஜவஹர் இயக்கத்தில் 'திருச்சிற்றம்பலம்' படத்தில் நடிக்க ஒப்பந்தமானார் தனுஷ். சன் பிக்சர்ஸ் தயாரிக்கும் இந்தப்படத்தில் ப்ரியா பவானி சங்கர், ராஷி கண்ணா, நித்யா மேனன் உள்ளிட்டோர் கதாநாயகிகளாக நடிக்கின்றனர். நீண்ட இடைவேளைக்கு பின் தனுஷ், அனிருத் கூட்டணி இந்த படத்தில் இணைந்து பணிபுரிய உள்ளது குறிப்பிடத்தக்கது.

காதல் கணவர் பிரிவு.. கொரோனா பாதிப்பு.. சோதனைகளை கடந்து வரும் ஐஸ்வர்யா..!
இந்நிலையில் 'மாறன்' படத்தின் பர்ஸ்ட் சிங்கிள் அண்மையில் வெளியானது. இந்த படம் திரையரங்கிற்கு வராமல் நேரடியாக டிஸ்னி பிளஸ் ஹாட்ஸ்டாரில்ல் வெளியாகும் என்று ஏற்கனவே அறிவிப்பு வெளியானது. அதன்படி 'மாறன்' படம் வரும் மார்ச் மாதம் 4ம் தேதி நேரடியாக டிஸ்னி பிளஸ் ஹாட்ஸ்டாரில் வெளியாக உள்ளதாக தகவல்கள் வெளியாகியுள்ளன.

விவாகரத்து அறிவிப்பு, தனுஷ் இல்லாமல் வெளியான 'தி கிரே மேன்' கிளிம்ப்ஸ் வீடியோ உள்ளிட்டவற்றால் சோகத்தில் இருந்த ரசிகர்களுக்கு இந்த தகவல் உற்சாகத்தை அளித்துள்ளது. 'மாறன்' படத்தில் சமுத்திரகனி, காளி வெங்கட், மாஸ்டர் மகேந்திரன் உள்பட பலர் நடித்துள்ளனர். ஜிவி பிரகாஷ் இசையில் உருவாகியுள்ள இந்தப் படத்தில் தனுஷ் ஜோடியாக மாளவிகா மோகனன் நடித்துள்ளது குறிப்பிடத்தக்கது.