இன்ஸ்டாவில் கணக்கு தொடங்கிய மனைவிக்கு இப்படியொரு வரவேற்பு கொடுத்த தனுஷ்..!!

இன்ஸ்டாகிராமில் கணக்கு தொடங்கிய மனைவி ஐஸ்வர்யாவை, நடிகர் தனுஷ் வாழ்த்தி, வரவேற்று, சஸ்பென்ஸ் வைத்து பதிவிட்டுள்ள ட்வீட் சமூகவலைதளங்களில் வேகமாக பரவி வருகிறது.

வழக்கறிஞர், திரைப்பட இயக்குநர், பரதநாட்டியக் கலைஞர் மற்றும் டப்பிங் கலைஞர் என பன்முகத்தன்மை கொண்ட பிரபலமாக வலம் வருகிறார் ஐஸ்வர்யா தனுஷ். ரஜினிகாந்த் மகள், தனுஷின் மனைவி என்பதை தாண்டி தனக்கான அடையாளங்களை ஏற்படுத்திக் கொள்வதில் அவர் தீவிரமாக இயங்கி வருகிறார்.

சமீபத்தில் தனது சகோதிரி சௌந்தர்யாவின் மறுமணம் நடந்த போது, ஐஸ்வர்யா வெளிப்படுத்திய உணர்வலைகள் பலரையும் நெகிழ்ச்சி அடையச் செய்தது. தமிழக சகோதிரிகள் பலர் ஐஸ்வர்யாவுக்கு வாழ்த்துக்களை பகிர்ந்து கொண்டனர்.



இந்நிலையில் புதிய செய்தியாக, ஐஸ்வர்யா இன்ஸ்டாகிராமில் கணக்கு தொடங்கியுள்ளார். ஏற்கனவே அவருக்கு ட்விட்டர், ஃபேஸ்புக்கில் கணக்கு உள்ளது. ஆனால் இப்போது தான் அவர் முதன்முறையாக இன்ஸ்டாவில் இணைந்துள்ளார்.

இதற்காக பலரும் அவருக்கு வாழ்த்துக்களை தெரிவித்துள்ளனர். குறிப்பாக அவரது கணவரும் நடிகருமான தனுஷ் பதிவிட்டுள்ள வாழ்த்துச் செய்தி சமூகவலைதளங்களில் வைரலை கிளப்பியுள்ளது.

ஐஸ்வர்யாவுக்கு வாழ்த்துக்களை தெரிவித்து அவர், ‘என் மனைவி இன்ஸ்டாகிராம் வந்திட்டாங்க, இனிமேல் உங்களுக்கு Funதான் என்று பதிவிட்டுள்ள தனுஷ் ஐஸ்வர்யாவின் இன்ஸ்டா பக்கத்தை பகிர்ந்து ட்வீட் போட்டுள்ளார்.

தனுஷின் இந்த பதிவு மனைவி மீதான காதல் குறும்பா? அல்லது ஏதேனும் கலாய்த்தலா என பல நெட்டிசன்கள் கேள்வி கணைகளை தொடுத்து வருகின்றனர்.