தயாரிப்பாளராக அவதாரம் எடுத்த தனுஷ் பட வில்லன்!

கொச்சின்: இளம் நடிகர் டொவினோ தாமஸ் தயாரிப்பாளராக உருவெடுத்துள்ளார்.

தமிழ் சினிமாவில் வளர்ந்த நடிகர்கள் தயாரிப்பு நிறுவனம் தொடங்கி, படங்களை தயாரித்து வருகின்றனர்.

இதேபோல் மலையாள திரையுலகிலும் நடிகர்கள் தயாரிப்பாளர்களாகி உள்ளனர். இந்த வரிசையில் வளர்ந்து வரும் இளம் நடிகர் டொவினா தாமஸ் இணைந்துள்ளார்.

இவர் தற்போது தனுஷின் ’மாரி 2’ படத்தில் வில்லனாக நடித்து வருகிறார். மேலும் மலையாளத்தில் தனுஷ் தயாரிக்கும் தரங்கம், மரடோனா படங்களில் கதாநாயகனாக நடித்துக் கொண்டிருக்கிறார்.

டொவினா தாமஸ் ‘குப்பி கம்பெனி’ என்ற பெயரில் தயாரிப்பு நிறுவனம் தொடங்கியுள்ளார்.

முன்னதாக ‘குப்பி’ என்ற பெயரில், அவர் நடித்த திரைப்படம் வெகுவாக பாராட்டப்பட்டது.

இந்தப் பெயரையே தயாரிப்பு நிறுவனத்திற்கும் வைத்துள்ளார். இதில் குப்பி பட இயக்குநர் ஜான் பாலும் இணைந்துள்ளார்.