பிரபாஸ் மாதிரியா? ஐயோ என்னால முடியவே முடியாது: தனுஷ்

''பிரபாஸ் போல் எப்போதும் என்னால் உடல் எடையை ஏற்ற முடியாது'' என்று நடிகர் தனுஷ் கூறியுள்ளார்.

தமிழில் மட்டுமல்லாமல் இந்தி படங்களிலும் நடித்து வரும் தனுஷ் தற்போது ஹாலிவுட் படங்களிலும் நடித்து வருகிறார். விஐபி 2 படத்தின் புரோமோஷனுக்காக மும்பை சென்றிருந்த அவர் செய்தியாளர்களை சந்தித்தார் . அப்போது அவரிடம் நிறைய கேள்விகள் கேட்கப்பட்டன. அப்போது பிரபாஸ் போல் உடல் எடையை ஏன் ஏற்றவில்லை என்று அவரிடம் கேட்கப்பட்டது.

அதற்கு அவர் ‘ என்னால் அப்படி எடையை ஏற்ற இயலாது . எது என் பலம் என்பது எனக்கு தெரியும் அதேபோல் எது என் பலவீனம் என்பதும் எனக்கு தெரியும். நீங்கள் வெளியில் நடந்து சென்றால் என்னைப் போல் பல ஆண்களை உங்களால் பார்க்க முடியும் .சினிமாவில் நான் அவர்களின் பிரதிநிதியாகத்தான் இருக்கிறேன் . என்னை அவர்களில் ஒருவராகவே மக்கள் ஏற்றுக்கொள்கின்றனர்.

மேலும் நான் பார்ப்பதற்கு மற்ற இந்தி நடிகர்கள் மாதிரி இல்லாததால் என்னை இந்தி ரசிகர்கள் ஏற்றுகொள்ள சில நாட்கள் ஆகலாம். சரியான கதாபாத்திரம் கொண்ட ஒரு நல்ல படத்திற்காக காத்திருக்கிறேன் . அவ்வாறு ஒரு படம் வரும்போது இந்தியில் நடிப்பேன்'' என்றார்.

dhanush refuses to bulk up like prabhas and his reason is true