மீண்டும் இணையும் தனுஷ் - சந்தோஷ் நாராயணன் கூட்டணி!

தனுஷ் நடிப்பில் கார்த்திக் சுப்பராஜ் இயக்கத்தில் உருவாகும் ஒரு படத்திற்கு சந்தோஷ் நாராயணன் இசையமைப்பாளராக ஒப்பந்தம் செய்யப்பட்டுள்ளார். ‘பேட்ட’ படத்துக்கு முன்பாக தேனாண்டாள் பிலிம்ஸ் தயாரிப்பில் தனுஷ் நடிக்கும் படத்தை இயக்க ஒப்பந்தமாகியிருந்தார் கார்த்திக் சுப்பராஜ். அப்படத்தை இப்போது ஓய் நாட் ஸ்டூடியோஸ் தயாரிக்கவுள்ளது.

இதன் படப்பிடிப்பு ஜூன் மாதம் தொடங்கவுள்ளது. இதில் தனுஷ் உடன் பல்வேறு ஹாலிவுட் நடிகர்களும் நடிக்கவுள்ளனர். இதற்கான ஒப்பந்தங்கள் கையெழுத்து உள்ளிட்டவை நடைபெற்று வருகிறது. தற்போது இப்படத்தின் இசையமைப்பாளராக சந்தோஷ் நாராயணன் ஒப்பந்தம் செய்யப்பட்டுள்ளார்.

தனுஷ் நடிப்பில் வெளியான ‘வடசென்னை’ படத்துக்கு இசையமைத்திருந்தவர் சந்தோஷ் நாராயணன். கார்த்திக் சுப்பாரஜ் இயக்கிய படங்களில் ‘பேட்ட’ படத்தைத் தவிர மற்ற எல்லா படங்களுக்கும் ஆஸ்தான இசையமைப்பாளராக பணியாற்றியவர் சந்தோஷ் நாராயணன்தான். ஆகையால் மீண்டும் இந்த கூட்டணி இணைந்துள்ளது.