சண்ட கோழி-2 படத்தில் நடிகர் தனுஷ்!

விஷால் நடித்து வரும் ‘சண்டகோழி 2’ படத்தில் ஒரு பாடலை பாடியுள்ளார் நடிகர் தனுஷ்.

லிங்குசாமி இயக்கத்தில் விஷால் நடிப்பில் 2005-ல் வெளியான படம் ‘சண்ட கோழி’ 12 வருடங்கள் கழித்து தற்போது இந்தப் படத்தின் 2ம் பாகம் உருவாகி வருகிறது. இந்தப் படத்தையும் லிங்குசாமியே இயக்கி வருகிறார். படத்தின் நாயகனாக விஷால் நடிக்கிறார். நாயகிகளாக கீர்த்தி சுரேஷ், வரலட்சுமி சரத்குமார் ஆகியோர் நடிக்கின்றனர். மேலும் படத்தில் அஜய், ராஜ்கிரண் உள்ளிட்ட பலர் நடிக்கின்றனர். படத்திற்கு யுவன் ஷங்கர் ராஜா இசையமைத்து வருகிறார் படத்தை நடிகர் விஷால் சொந்தமாக தயாரிக்கிறார்.

இப்படத்தின் படப்பிடிப்பு தற்போது நடந்துவரும் நிலையில் மறுபுறம் பாடல் கம்போசிங்கும் நடந்து வருகின்றன. ‘சண்டகோழி’ முதல் பாகத்தை போலவே ‘சண்டகோழி 2’ படத்திலும் பாடல்களை ஹிட்டாக்க வேண்டும் என்ற முனைப்பில் இசையமைத்து வருகிறார் யுவன். இதற்காக இந்தப் படத்தில் இடம்பெறும் ஒரு பாடலை நடிகர் தனுஷை வைத்து பாட வைத்துள்ளார் யுவன். நடிகர் நடிகர் தனுஷும், நடிகர் விஷாலுக்காக ஒரு பாடலை பாடியுள்ளார்.