பட்டாஸ்
துரை செந்தில்குமார் இயக்கத்தில் தனுஷ் அப்பா, மகனாக நடித்துள்ள பட்டாஸ் படம் பொங்கல் பண்டிகை ஸ்பெஷலாக ஜனவரி மாதம் 16ம் தேதி ரிலீஸாகும் என்று அறிவிக்கப்பட்டது. இந்நிலையில் படத்தை முன்கூட்டியே ஜனவரி 15ம் தேதி ரிலீஸ் செய்கிறார்கள். சினேகா, மெஹ்ரீன் பிர்சாதா உள்ளிட்டோர் நடித்துள்ள பட்டாஸ் படத்திற்கு சென்சார் போர்டு யு சான்று வழங்கியுள்ளது.
பாக்ஸ் ஆபீஸ்
பட்டாஸ் படத்தின் ட்ரெய்லர் வெளியாகி ரசிகர்களை கவர்ந்தது. பாடல்கள் ஏற்கனவே செம ஹிட். பெரிதாக எதிர்பார்க்கப்படும் பட்டாஸ் முன்கூட்டியே வருவதில் தனுஷ் ரசிகர்கள் மகிழ்ச்சி அடைந்துள்ளனர். பொங்கலுக்கு பாக்ஸ் ஆபீஸில் மாமனார் ரஜினி, மருமகன் தனுஷ் ஆட்சி தான். இந்த படங்களில் எது வின்னர் என்று கூட தற்போதே விவாதிக்கத் துவங்கிவிட்டனர்.
தர்பார்
தர்பார் படத்தை பலரும் பலவிதமாக விமர்சிக்கும் நிலையில் பட்டாஸ் படத்தின் கதை வலுவாக இருந்தால் சினிமா ரசிகர்கள் நிச்சயம் அதை கொண்டாடித் தீர்ப்பார்கள். கடந்த பொங்கல் பண்டிகையின்போது ரஜினியின் பேட்ட படத்துடன் வந்து விஸ்வாசம் பெரிய அளவில் வெற்றி பெற்றதே அதற்கு சான்று. தர்பாரில் கதையே இல்லை என்று விமர்சிக்கப்படும் நேரத்தில் நடிப்பு ராட்சசனின் படம் வெளியாக உள்ளது என்பது குறிப்பிடத்தக்கது.
தனுஷ்
பட்டாஸ் படத்தை பெரிதும் எதிர்பார்க்க காரணங்கள் உள்ளது. ஒன்று தனுஷ் இரட்டை வேடத்தில் நடித்துள்ளார். இரண்டு பல ஆண்டுகள் கழித்து தனுஷ், சினேகா ஜோடி சேர்ந்துள்ளனர். மூன்று அசுரனில் அசர வைத்த தனுஷ் பட்டாஸில் எப்படி வித்தியாசமாக நடித்துள்ளார் என்பதை பார்க்கும் ஆவல். நான்கு கொடி இயக்குநர் துரை செந்தில்குமார், தனுஷ் கூட்டணியில் வரும் இரண்டாம் படம்.