Vaathi Review: தனுஷின் 'வாத்தி' எப்படி இருக்கு.?: ட்விட்டர் விமர்சனம் இதோ.!

தமிழ் சினிமாவில் உச்ச நட்சத்திரமாக திகழும் தனுஷ் தெலுங்கு இயக்குனர் வெங்கி அட்லூரி இயக்கத்தில் நடித்துள்ள படம் 'வாத்தி'. தெலுங்கில் பிரபலமான தயாரிப்பாளராக திகழும் நாக வம்சி தயாரித்துள்ள தமிழ், தெலுங்கு மொழியில் நேரடியாக இன்று வெளியாகிறது. நேற்றைய தினமே இப்படத்தின் பத்திரிக்கையாளர்களுக்கு சிறப்பு காட்சி ஏற்பாடு செய்யப்பட்டது. அதனை தொடர்ந்து படம் தொடர்பான விமர்சனங்கள் இணையத்தில் குவிய துவங்கியுள்ளன.

இப்படத்திற்கு தமிழில் 'வாத்தி' என்றும் தெலுங்கில் 'சார்' என்றும் டைட்டில் வைக்கப்பட்டுள்ளது. இந்தப் படத்தின் தமிழக விநியோக உரிமையை ரெட் ஜெயண்ட் மூவிஸ் நிறுவனம் கைப்பற்றியுள்ளது. சம்யுக்தா மேனன் கதாநாயகியாக நடித்துள்ள 'வாத்தி' படத்திற்கு ஜி.வி.பிரகாஷ் குமார் இசையமைத்துள்ளார்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

மேலும், சமுத்திரக்கனி, சாய் குமார், ஆடுகளம் நரேன், இளவரசு, மொட்ட ராஜேந்திரன் உள்ளிட்ட பலர் இந்தப் படத்தில் நடித்துள்ளனர். நேற்று இரவில் இருந்தே தமிழ் மற்றும் தெலுங்கு ஆடியன்ஸ் பலரும் வாத்தி படம் குறித்த விமர்சனங்களை ட்விட்டரில் பதிவிட்டு வருகின்றனர்.

Vaathi: 'வாரிசு' பட ரூட்டை பாலோ பண்ணும் தனுஷின் 'வாத்தி': பந்தயம் அடிக்குமா.?

1990 காலக்கட்டத்தில் நடப்பதை போன்று படத்தின் கதைக்களம் அமைக்கப்பட்டுள்ளது. தனியார் பள்ளி கூட்டமைப்பின் தலைவராக வரும் சமுத்திரக்கனி, அனைவருக்கும் தரமான கல்வி சென்று சேர வேண்டும் என விரும்புவராக வரும் தனுஷ். இவர்கள் இடையில் நடக்கும் யுத்தமே 'வாத்தி'. மொத்த படத்தையும் தனுஷே தாங்கி நின்றாலும், அவரது நடிப்பிற்கு தீனி போடும் அளவிற்கு காட்சிகள் இல்லாதது பெரும் சோகம்.

Varalaxmi Sarathkumar: பட வாய்ப்புக்காக அட்ஜஸ்ட்மெண்ட்: பிரபல நடிகரின் மகள் பகீர் புகார்.!

மற்றபடி குழந்தை தொழிலாளர்களை மீண்டும் பள்ளிக்கு வர வைப்பது, பள்ளிகளில் நடக்கும் சாதிய பிரச்சினைக்கு தீர்வு காண்பது என ஏற்கனவே தமிழ் சினிமாவில் பல படங்களில் பார்த்து பழக்கப்பட்ட காட்சிகள் 'வாத்தி' படத்திலும் இடம்பெற்றுள்ளன.


தனுஷின் நடிப்புக்காகவும், படம் சொல்ல வந்துள்ள கருத்திற்காகவும் படத்தை திரையரங்கில் பார்க்கலாம் என படம் பார்த்த விமர்சகர்கள் ட்விட்டரில் பதிவிட்டுள்ளனர். மேலும், குடும்பத்துடன் நேரத்தை செலவிட ஒரு பக்கவான பேமிலி மூவி என்றும் 'வாத்தி' படத்திற்கு பாசிட்டிவ் விமர்சனங்கள் கிடைத்து வருகிறது.